विजांच्या कडकडाटासह कर्जत तालुक्यात पाऊस

Rainfall in Karjat taluka
Rainfall in Karjat taluka

कर्जत - तो दहाच मिनिटे आला, मात्र सगळीकडे पाणीच पाणी करून गेला. डोळ्यातही त्याने पाणी आणले. आज सायंकाळी कर्जतसह परिसरात अवकाळी पावसाने हजेरी लावली. सोबत विजांचा कडकडाटात, वाऱ्याचा झटका आणि मोठे थेंब असा तिहेरी फटका समवेत घेऊन आला. कलिंगड आणि खरबूज उत्पादक शेतकऱ्यांचे मात्र मोठे हाल सुरू झाले.

आधीच कोरोनामुळे बाजारपेठ बंद आहेत. शेतकऱ्यांनी मोठ्या कष्टाने पिकविलेल्या या दोन्ही फळांना सध्या बाजारात लॉकडाऊन मुळे मार्केट नाही. आणि व्यापारी कवडीमोल किमतीने माल मागत आहेत. झालेला खर्च आणि मिळणारे उत्पन्न याचा मेळ बसवीत असतानाच घरचे झाले थोडे.......या उक्तीप्रमाणे आज सायंकाळी पावसाने धुमाकूळ घातला.

या पावसाने उन्हाची काहिली जरी थोडीफार कमी होत कोरोनामुळे जबरदस्तीने घरात सक्तीची विश्रांती घेणाऱ्यांना दिलासा मिळाला. शेतकऱ्यांच्या पोटात शेतात फळं तोडणीला आलेले असताना तसेच अनेकांनी रात्री व्यापारी गाडी घेऊन न्यायला येणार असल्याने तोडून रास घालून ठेवली कलिंगड व खरबूज, याची अवकाळी  पावसाने उडवलेली दाणादाण उडाल्याने नुकसान झाले. चिंतेने फळ उत्पादक शेतकऱ्यांच्या  पोटात  आग उठली आहे.


 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com