संगमेश्वर : नद्यांतील गाळ उपशाचा प्रश्न कायम | Sakal
sakal

बोलून बातमी शोधा

नद्यांतील गाळ उपशाचा प्रश्न कायम

संगमेश्वर : नद्यांतील गाळ उपशाचा प्रश्न कायम

संगमेश्वर: एकीकडे चिपळूणची वाशिष्ठी नदी गाळमुक्त होत असताना येथील शास्त्री व सोनवी नदीतील गाळ उपसा यावर्षीही रखडला आहे. यामुळे यंदाच्या पावसाळ्यातही संगमेश्वरला पुराचा धोका कायम आहे.संगमेश्वर तालुक्यातील महत्त्वाच्या नद्या म्हणून शास्त्री व सोनवी नद्यांचा उल्लेख केला जातो. या नद्यांतून पूर्वीच्या काळात जलवाहतूक सुरू होती. जलवाहतुकीमुळे बंदरे विकसित झाली होती, तसेच संगमेश्वर बाजारपेठेसह माखजन, फुणगूस बाजारपेठेत मालवाहतूक होत होती; मात्र कालांतराने गाळ साचल्याने या नद्यांतील जलवाहतूक बंद झाली. शास्त्री व सोनवी नदीत साचणाऱ्या गाळामुळे संगमेश्वर बाजारपेठेला दरवर्षी पुराचा मोठा धोका निर्माण होतो.

पाच वर्षांपूर्वी रामपेठ ते मापारी मोहल्ला येथील गाळ उपसा करण्यास सुरवात करण्यात आली होती. नद्यांतील गाळ उपसा करून तो रामपेठ येथील रस्त्याच्या बाजूला टाकण्यात आला होता. तसेच त्याचे सपाटीकरण करण्यात आले होते; मात्र पुढील उपसा थांबल्याने हाच गाळ पुन्हा नदीपात्रात जात आहे. यामुळे व्यापाऱ्यांचे मोठे नुकसान होत आहे.

अपेक्षा यावर्षीही अपूर्ण

गतवर्षीच्या पावसाळ्यात संगमेश्वर बाजारपेठेला तीनवेळा पुराने धक्का दिला होता. जवळपास ४ दिवस बाजारपेठेत पाणी होते. यानंतर तरी गाळ उपसा होईल, अशी अपेक्षा होती; मात्र यावर्षीही ती पूर्ण झालेली नाही.

सोनवी आणि शास्त्री नद्यांमधील गाळ उपसा व्हावा, यासाठी आम्ही महाविकास आघाडी सरकारच्या माध्यमातून प्रयत्नशील आहोत. हे काम नक्की होईल आणि संगमेश्वरला पूरमुक्ती मिळेल.

- संजय कदम, शाखाप्रमुख, शिवसेना, संगमेश्वर

Web Title: Sangameshwar Problem Siltation Rivers Remains

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top