Sangli Crocodile Attack : काळ आला होता, पण वेळ आली नव्हती! मगरीने आधी खांदा पकडला, मग मानेवर झडप; पाठीत दात घुसल्याने गंभीर जखमी, 60 वर्षीय नागरिकाची मृत्यूशी झुंज

सांगली : कृष्णा नदीत पोहण्यासाठी गेलेल्या ६० वर्षीय नागरिकावर काल सकाळी मगरीने प्राणघातक हल्ला केला. त्यामुळे खळबळ उडाली. कृष्णामाई घाटाजवळ (श्री स्वामी समर्थ घाट) ही घटना (Krishna River crocodile attack in Maharashtra) घडली. जालिंदर साळुंखे असे या नागरिकाचे नाव असून मगरीच्या हल्ल्यात साळुंखे यांच्या छातीवर डाव्या बाजूस आणि पाठीवर मगरीचे दात घुसल्याने ते गंभीर जखमी झाले. मात्र साळुंखे यांनी प्रसंगावधान राखून धाडसाने जोरदार प्रतिकार करून मगरीच्या तावडीतून सुटका करून घेतली. त्यांच्यावर सांगलीतील शासकीय रुग्णालयात उपचार करण्यात आले.