सांगली : घरफोडीतील तीन रेकॉर्डवरील गुन्हेगारांना स्थानिक गुन्हे अन्वेषण शाखेच्या पथकाने जेरबंद केले. त्यांनी चोरलेले सोन्या-चांदीचे दागिने, रोकड, असा साडेचार लाखांचा ऐवज हस्तगत केला. मिरज येथील मार्केट यार्डात सुदर्शन सुनील यादव (वय १९, भोसे, ता. मिरज), मुनीब मुस्ताक भाटकर (वय १९, आंबा चौक, यशवंतनगर), दीपक गंगा आवळे (वय २०, शंभर फुटी रस्ता, गुलाब कॉलनी, सांगली) असे तिघे पोलिसांच्या हाती लागले. या टोळीतील अक्षय ऊर्फ पिंट्या दोडमणी (वाडे फाटा, सातारा) हा पसार झाला आहे.
