Sangli Crime News : ईश्वरपूरच्या आंबेडकरनगरात मध्यरात्री थरार! लग्न मोडल्याचा जुना राग अन् दुकानातील वाद, कामेरी नाक्यावर 31 वर्षीय तरुणाचा निर्घृण खून; कोयता, चाकूने सपासप वार

ईश्वरपूर (जि. सांगली) : लग्न मोडल्याचा जुना राग आणि रात्री कपड्यांच्या दुकानात झालेल्या वादाच्या कारणावरून येथील कामेरी नाक्यावर ३१ वर्षीय तरुणाचा कोयता व चाकूने सपासप वार करून निर्घृण खून (Kameri Naka murder incident) करण्यात आल्याची खळबळजनक घटना घडली. सूरज महादेव कांबळे (वय ३१, रा. आंबेडकर नगर, ईश्वरपूर, ता. वाळवा) असे खून झालेल्या तरुणाचे नाव आहे. याप्रकरणी दोघा संशयितांविरुद्ध ईश्वरपूर पोलीस ठाण्यात खुनाचा गुन्हा दाखल करण्यात आला आहे.