Satara News : पुसेसावळी घटनेच्या पार्श्वभूमीवर कराडला मुस्लिम समाजाची पोलिसांसमवेत बैठक; संशयीतावर कारवाईची मागणी

कराड: पुसेसावळी येथे दोन गटातील धुमश्यक्रीच्या घटनेच्या पार्श्वभूमीवर पार्श्वभूमीवर आज कराड (जिल्हा सातारा) येथे मुस्लिम समाजाची बैठक अतिरिक्त पोलीस अधीक्षक बापू बांगर यांच्या उपस्थितीत घेण्यात आली.

यावेळी मुस्लिम समाजाच्यावतीने संबंधित संशययीतावर कडक कारवाई करून संबंधितांना अटक करावी अशी मागणी करण्यात आली. यावेळी समाजाच्या वतीने कोणताही अनुचित प्रकार घडणार नाही याची दक्षता समाजाच्या वतीने घेतली जाईल असे आश्वासन पोलिसांना देण्यात आले.

पुसेसावळी येथील दोन गटात जोरदार धुमचक्री झाली. त्यातील एक जण ठार झाला. त्यामुळे सातारा जिल्ह्यातील वातावरण तंणावपुर्ण बनले होते. त्यामुळे सातारा जिल्ह्यातील प्रत्येक शहरात कडक पोलीस बंदोबस्त तैना करण्यात आला आहे.

सातारा जिल्ह्यातील व कराड शहरातील शांतता सुव्यवस्था अबाधित राहावी यासाठी आज मगळवारी पोलीस दलाच्यावतीने मुस्लिम समाजाची बैठक घेण्यात आली. त्यामध्ये समाजाच्या वतीने संबंधित संशयीतावर कठोर कारवाई करावी व त्यांना अटक करावी अशी जोरदार मागणी करण्यात आली.

यावेळी अतिरिक्त पोलीस अधीक्षक बापू बांगर यांनी संबंधितावर कारवाई करण्याची कार्यवाही सुरू असून कोणा संशयितला त्यातून सोडले जाणार नाही अशी ग्वाही दिली. यावेळी समाजाच्या वतीने सर्वांना शांततेचे आवाहन केले असून कोणताही अनुचित प्रकार घडणार नाही असे आश्वासन मुस्लिम समाजाच्यावतीने पोलीस अधिकाऱ्यांना उपस्थितानी दिली.