Shirala Crime : अल्पवयीन मुलीचं अपहरण करून अत्याचार; आरोपीला पोक्सो कायद्यांतर्गत अटक

शिराळा - शिराळा तालुक्यातील एका गावात अल्पवयीन मुलीचे अपहरण करून तिच्यावर अत्याचार केल्याप्रकरणी संशयीत आरोपी अजिंक्य शिवाजी पाटील (वय २४) याच्यावर जातीवाचक व पोक्सो कायद्याअंतर्गत शिराळा पोलिसात गुन्हा दाखल झाला आहे. त्यास न्यायालयात हजर केले असता ८ सप्टेंबर पर्यंत पोलीस कोठडी मिळाली आहे.

याबाबत पीडित मुलीच्या आईने शिराळा पोलिसात फिर्याद दिली आहे. शिराळा पोलिसांनी दिलेली माहिती अशी की,संशयीत अजिंक्य पाटील याने अल्पवयीन मुलीस फूस लावून ३ ते ४ सप्टेंबरला रात्री १ वाजण्याच्या दरम्यान घरातून फूस लावून पळवून नेले. कोल्हापूर येथे ४ सप्टेंबर ला तिच्यावर अत्याचार केला.

या प्रकरणी अजिंक्य यास पोलिसांनी अटक केली असून न्यायालयात हजर केले असता ८ सप्टेंबर पर्यंत पोलीस कोठडी देण्यात आली आहे. या घटनेचा पुढील तपास उपविभागीय पोलीस अधिकारी मंगेश चव्हाण करीत आहेत.