Shivjyot Journey : प्रतापगड ते जपानपर्यंत होणार शिवज्योतीचा प्रवास

इचलकरंजी - जपानमध्ये यंदा शिवजयंतीच्या भव्य तयारीने जोर धरला आहे. छत्रपती शिवाजी महाराजांच्या पराक्रमाला आदरांजली वाहण्यासाठी जपानमधील भारत कल्चरल सोसायटीने एक अनोखी संकल्पना साकारली आहे. प्रतापगडावर विधिवत पूजन केलेली शिवज्योत यंदा थेट जपानच्या भूमीत पोहोचणार आहे..सत्तर वर्षांनंतर गेल्यावर्षी प्रथमच जपानमध्ये शिवजयंती साजरी झाली होती. तर यंदाही शिवजयंती उत्सवात भव्य पालखीतून महाराजांच्या मूर्तीची मिरवणूक, लेझीम, ढोल-ताशा, फेट्यांचा थाट, तसेच शिवचरित्रावर आधारित भव्य महानाट्य सादर करण्यात येणार आहे. तर यंदाही प्रतापगडावरुन शिवज्योत जपानमध्ये जाणार आहे..यासाठी अनिकेत पाटील यांच्या सोबत बळवंत पाटील, महेश मोरे आणि स्थानिक सदस्यांनी प्रतापगडला भेट दिली. यावेळी क्रांतिवीर फिरंगोजी शिंदे मर्दानी आखाडा गिरगाव, कोल्हापूरचे वस्ताद प्रमोद पाटील आणि त्यांच्या सहकाऱ्यांनी शिवकालीन मर्दानी खेळांचे प्रात्यक्षिक करून विशेष सहकार्य केले..जपानमधील या ऐतिहासिक शिवजयंती उत्सवाला भारताचे जपानमधील राजदूत सिबी जॉर्ज हे प्रमुख पाहुणे म्हणून उपस्थित राहणार आहेत. सुमारे १०० हून अधिक स्थानिक कलाकारांच्या योगदानातून 'शिवचरित्र' महानाट्याच्या माध्यमातून शिवरायांचा पराक्रम आणि इतिहास साकारला जाणार आहे. त्यामुळे या वर्षीचा शिवजयंती महोत्सव अधिक भव्य आणि भव्यदिव्य होणार आहे..भारत कल्चरल सोसायटी दृष्टीक्षेपभारत कल्चरल सोसायटी ही जपानमधील एक सेवाभावी संस्था आहे. विविध उपक्रमांद्वारे भारतीय आणि जपानी संस्कृतींमध्ये सेतू बांधण्याचे काम ही संस्था करीत आहे. रक्तदान शिबिरे, स्वच्छता मोहिमा आणि सामाजिक गरजांसाठी स्वयंसेवक पुरवणे ही त्यांची काही वैशिष्ट्यपूर्ण कामे आहेत. संस्थेमध्ये कोल्हापूर जिल्ह्यातील पण सध्या नोकरी, व्यवसायानिमित्त जपानमध्ये स्थायिक असलेल्या अनेक सदस्यांचा समावेश आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.