किर्लोस्करवाडीला सहा रेल्वेंना थांबा मंजूर

सांगली -  जिल्ह्यातील किर्लोस्करवाडी हे महत्त्वाचे रेल्वे स्थानक आहे. तेथे जास्तीत जास्त रेल्वेगाड्यांना थांबे मिळावेत, यासाठी अनेक दिवसांपासून प्रवाशांची मागणी होती. त्या अनुषंगाने किर्लोस्करवाडी येथे ६ रेल्वेगाड्या आणि मिरज व सांगली येथे ३ रेल्वेगाड्यांना थांबण्यास मंजुरी देण्यात आली आहे, अशी माहिती खासदार संजय  पाटील यांनी दिली.

किर्लोसकरवाडीत रेल्वे थांबा मिळालेल्या सहा गाड्या अशा -

१६२०९ /१६२१० अजमेर एक्सप्रेस, १६५०५/१६५०६ गांधीधाम एक्सप्रेस  (प्रयोगिग तत्वावर ६ महिने ), १६५३१/१६५३२ गरीब नवाज एक्सप्रेस, १६५०७/१६५०८ जोधपुर एक्सप्रेस, १२७७९/१२७८० गोवा एक्सप्रेस, १७३१७/१७३१८ एल. टी.टी. एक्सप्रेस.

सांगली आणि मिरज येथे ३ रेल्वेगाड्यांना थांबे देण्यात आले आहेत. त्या गाड्या अशा - १६५३३/१६५३४ जोधपुर एक्सप्रेस,  २२६८५/२२६८६ क्रांती एक्सप्रेस, १६६२९/१६६३० मलाबार एक्सप्रेस.

जिल्ह्यातील मालवाहतूक देशभरात होण्यासाठी किर्लोस्करवाडी येथे मालवाहतूकीसाठी गुड्स कॅरिअरची मागणी केली होती. त्यासाठीही यावेळी मंजूरी देण्यात आल्याची माहिती खासदार पाटील यांनी यावेळी दिली.