Floodwaters surround Chandrabhaga temples as Bhima and Neera rivers overflow; 21 barrages submerged, six people rescued in time.Sakal
सोलापूर
Solapur Monsoon Update: भीमा, नीरेवरील २१ बंधारे पाण्याखाली; सहाजणांची सुखरूप सुटका, चंद्रभागेतील मंदिरांना पाण्याचा वेढा
Solapur News : नदीच्या पैलतीरावरील इस्कॉन मंदिराचा प्रभूपाद घाट देखील पाण्याखाली गेला आहे. तर गोपाळपूर येथील विष्णूपद मंदिरातही पाणी गेले आहे. दरम्यान, भीमा नदीवरील आव्हे, करोळे, पिराची कुरोली, गुरसाळे, पंढरपूर, गोपाळपूर, मुंढेवाडी, पुळूज येथील आठ बंधारे पाण्याखाली गेले आहेत.
पंढरपूर : भीमा आणि नीरा खोऱ्यात झालेल्या मुसळधार पावसामुळे पंढरपुरात चंद्रभागा नदी दुथडी भरून वाहू लागली आहे. दरम्यान, सोमवारी (ता. २६) सकाळी चंद्रभागा नदीवरील जुना दगडी पूल पाण्याखाली गेला तर चंद्रभागेच्या पात्रातील भक्त पुंडलिकासह इतर मंदिरांना पाण्याने वेढा दिला आहे. सायंकाळी चार वाजता चंद्रभागा नदी सुमारे ४५ हजार क्युसेकने प्रवाहित झाली होती. भीमा व नीरा या दोन नद्यांवरील पंढरपूर व माळशिरस तालुक्यातील २१ बंधारे पाण्याखाली गेले आहेत.