बार्शी : येथील सिटी सर्व्हे क्रमांक ४०१३ मधील बांधकाम क्षेत्र खरेदीसाठी संबंधित व्यवहारात महिला तलाठ्याने २२ लाख ४७ हजार रुपयाची आर्थिक फसवणूक केल्याप्रकरणी शहर पोलिस ठाण्यात गुन्हा दाखल केला आहे. .Solapur News : सोलापूर जिल्ह्यात १० लाख मे. टन उसाचे गाळप.ज्योती परसराम राठोड (तलाठी, बार्शी तहसील कार्यालय) असे गुन्हा दाखल झालेल्या महिलेचे नाव आहे. गिरीश थोरात यांनी फिर्याद दाखल केली आहे. ही घटना ११ सप्टेंबर २०२३ ते १३ फेब्रुवारी २०२४ दरम्यान घडली. थोरात यांच्या चुलत्याची मालकी असलेली जागा ज्योती राठोड यांनी खरेदी केली होती. ही जागा राठोड यांनी विक्रीसाठी काढली. .परंतु खरेदीदार मिळत नसल्यामुळे ती जागा थोरात यांनी खरेदी करण्याचा निर्णय घेतला. २१ लाख रुपयांच्या खरेदी व्यवहाराचा करार ११ सप्टेंबर २०२३ रोजी झाला होता. त्यानंतर त्यांनी व्यवहारानुसार अॅडव्हान्स, स्टॅम्प ड्यूटी, रजिस्ट्रेशन शुल्क तसेच उर्वरित रक्कम देऊन जागा खरेदीची प्रक्रिया पूर्ण केली. .थोरात यांनी रजिस्टर साठेखत, नोंदणी प्रक्रिया व खरेदीखत तयार करण्यासाठी आवश्यक सर्व रक्कम वेळोवेळी दिली. १३ फेब्रुवारी २०२४ रोजी १९ लाख रुपयांचे दोन डिमांड ड्राफ्ट दिले. ज्योती राठोड यांच्या खात्यात जमा झाले. मात्र, खरेदीखतावर सह्या करण्यास राठोड वारंवार टाळाटाळ केली. राठोड यांनी जागेवर अधिकार नसतानाही पंकज मांडोत यांना ३० मार्च २०२४ रोजी लीजवर देत खोटा करार केल्याचा आरोप थोरात यांनी केला आहे. .Manoj Jarange-Patil : निवडणुकीत असतो तर सुपडासाफ केला असता : मनोज जरांगे-पाटील.तसेच अधिक पैसे मिळवण्यासाठी राठोड यांनी ९ लाख रुपयांची अतिरिक्त मागणी केली आहे. थोरात यांनी ज्योती राठोड यांच्यावर विश्वासघात, खोटा करार आणि आर्थिक फसवणूक केल्याची फिर्याद दिली असून गुन्हा दाखल करण्यात आला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
