Solapur News : फुकट्या प्रवाशांकडून २१३ कोटी वसूल

सोलापूर : विनातिकीट आणि अवैध प्रवासाला आळा घालण्यासाठी उपनगरीय, मेल एक्स्प्रेस, पॅसेंजर आणि विशेष गाड्यांमध्ये सखोल तिकीट तपासणी करण्यात आली आहे. मध्य रेल्वेने एप्रिल ते नोव्हेंबर या कालावधीत २१३ कोटी १६ लाख रुपयांचा महसूल मिळविला आहे. देशातील सर्व क्षेत्रिय रेल्वेंमध्ये मध्य रेल्वेने अव्वल क्रमांक मिळविला आहे.

मध्य रेल्वेमध्य रेल्वेने अनियमित प्रवासाच्या एकूण ५ लाख प्रकरणांची नोंद केली आहे ज्यात विनातिकीट आणि अनियमित तिकिटांची ४ लाख ८८ हजार प्रकरणे आणि सामानाच्या बुक न केलेल्या व अनियमित बुकिंगच्या १३ हजार प्रकरणांचा समावेश आहे.

विनातिकीट आणि अनियमित तिकिटांच्या प्रकरणांमधून ३६ कोटी ८२ बुक न केलेल्या आणि सामानाच्या अनियमित बुकिंगच्या प्रकरणांमधून १६ लाख रुपये प्राप्त झाले आहेत. विनातिकीट किंवा अवैध तिकीट असलेल्या प्रवाशांवर रेल्वे दंडाधिकाऱ्यांच्या उपस्थितीत कारवाई करण्यात आली आणि दंड आकारण्यात आला आहे.एप्रिल ते नोव्हेंबर-२०२३ या कालावधीत एकूण ५७१ दंडाधिकारी तपासण्या करण्यात आल्या.

या तपासण्यांमधून ९ हजार ७१८ व्यक्तींवर कारवाई करण्यात आली आणि ५० लाख रुपये दंड वसूल करण्यात आला. एप्रिल ते नोव्हेंबर २०२२ या कालावधीतील ४७८ दंडाधिकारी तपासण्या झाल्या होत्या. नोव्हेंबर २०२३ या महिन्यात १ हजार २३४ व्यक्तींवर कारवाई करण्यात आली आहे. प्रवाशांची गैरसोय टाळण्यासाठी योग्य तिकीट काढून प्रवास करण्याचे आवाहन रेल्वे प्रशासनाकडून करण्यात येत आहे.