सोशल मीडियावर सामाजिक व धार्मिक तेढ निर्माण करून अराजकता निर्माण करण्याचा प्रयत्न करणाऱ्या लोकांवर पोलिसांची बारीक नजर आहे. त्यांच्यावर कडक कारवाई करण्यात येत आहे.
अक्कलकोट : सोशल मीडियावर औरंगजेबाचे (Aurangzeb) उदात्तीकरण करणाऱ्या आक्षेपार्ह पोस्ट प्रसारित करून सामाजिक व धार्मिक तेढ निर्माण करून अराजकता माजविण्याचा प्रयत्न करणाऱ्या २२ जणांविरुद्ध अक्कलकोट उत्तर व दक्षिण पोलिसांत (Akkalkot Police) गुन्हे दाखल झाले आहेत. गुन्हा दाखल झालेल्या २२ जणांपैकी ११ जण अल्पवयीन आहेत.
