मोहोळ (सोलापूर) : पुण्याहून सोलापूरकडे मृतदेह घेऊन निघालेल्या रुग्णवाहिकेने समोरच्या मालट्रकला पाठीमागून जोरात धडक दिल्याने झालेल्या अपघातात तिघांचा मृत्यू झाला तर 10 जण जखमी झाले आहेत.
जखमींची नावे समजू शकली नाहीत. हा अपघात शनिवारी (ता. 14) पहाटे 3.45 वाजता सोलापूर - पुणे राष्ट्रीय महामार्गावरील मोहोळ शहराजवळील कन्या प्रशाला चौकात झाला. रवी माणिक राठोड (वय 38, रा. माळवाडी, पुणे), बुद्वीबाई चन्ना पालत्या (वय 48, रा. माळवाडी) व एक अनोळखी पुरुष अशी मृतांची नावे आहेत.
याबाबत पोलिसांनी दिलेल्या माहितीनुसार कात्रज (पुणे) येथे मोलमजुरीसाठी गेलेल्या सुकट्या नूरयॉं खतरावत यांचे अपघातामुळे निधन झाल्याने त्यांचा मृतदेह घेऊन त्यांचे नातेवाईक पुण्याहून रुग्णवाहिकेने (एम.एच. 12 आर.एन. 6387) तेलगंणकडे चालले होते. पहाटे तीनच्या सुमारास मोहोळ येथील कन्या प्रशाला चौकात येताच पुण्याहून हैदराबादला चाललेल्या मालट्रकला (एमएच 43 बीजी 4500, चालक नागनाथ गंगादर कदम वय 40, मळेगाव, ता. लोहारा, जि. उस्मानाबाद) पाठीमागून जोराची धडक दिल्याने रुग्णवाहिकेतील रवी माणिक राठोड (वय 38, रा. वारजेवाडी, जि. पुणे), बुद्धीबाई चन्ना पालत्या (वय 48) यांचे सोलापूर येथील शासकीय रुग्णालयात उपचारापूर्वीच निधन झाले. तर उपचारादरम्यान अन्य एकाचे निधन झाल्याची माहिती पोलिस सूत्रांनी दिली.
रुग्णवाहिकेतील इतर दहाजण जखमी आहेत. जखमीपैकी रामलू धनसिंग राठोड (वय 45), रामलू सोमनाथ राठोड, आशा सुभाष राठोड (वय 40), लोकेश धनसिंग राठोड (वय 39), किसन रामलू राठोड (वय 39), नीलेश भानू पवार (वय 30), किसन नारायण राठोड (वय 40), असलीबाई किसन राठोड (वय 38) व अन्य (सर्व राहणार वारजेवाडी, पुणे) यांच्यावर सोलापूरच्या शासकीय रुग्णालयात उपचार सुरू आहेत.
दरम्यान, अपघात झाल्याचे समजताच तातडीने घटनास्थळी धाव घेत पोलिस निरीक्षक अशोक सायकर, अवी शिंदे, गणेश दळवी, मंगेश बोधले, सतीश पवार, पोलिस वाहनाचे चालक अवघडे, सतीश पवार, ग्रामरक्षक दलाचे पथक यांच्यासह इतर पोलिस कर्ममचारी व महामार्ग टोलनाक्याच्या कर्मचाऱ्यांनी इतर तीन रुग्णवाहिकांच्या मदतीने जखमींना पुढील उपचारासाठी सोलापूर येथील शासकीय रुग्णालयाकडे पाठविले. तर जो मृतदेह घेऊन रुग्णवाहिका चालली होती, त्या रुग्णवाहिकेत सकाळी 11 वाजपर्यंत मृतदेह तसाच आहे. पोलिसांनी मृतदेह नेण्यासाठी नातेवाईक येत असल्याचे सांगितले. या अपघाताची नोंद मोहोळ पोलिसात झाली असून, अधिक तपास हवालदार अविनाश शिंदे करीत आहेत.
संपादन : श्रीनिवास दुध्याल
महाराष्ट्र
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
