मोहोळ - चिंचोली-काटी, ता. मोहोळ येथील आशाराणी भोसले मृत्यू प्रकरणी पोलीस कोठडीत असलेली सासू अलका भोसले हिला न्यायालयीन तर पती पवन भोसले व सासरा बलभीम भोसले या दोघांना 7 तारखेपर्यंत पोलीस कोठडीत ठेवण्याचे आदेश मोहोळ येथील न्यायालयाने दिले..चारचाकी घेण्यासाठी तुझ्या माहेरहून पैसे आण, तुला स्वयंपाक येत नाही, यासह अन्य कारणामुळे आशाराणी हिचा सासू-सासरे व पती छळ करीत होते. आशाराणी ही गर्भवती होती, तर तिला वैष्णवी नावाची एक लहान मुलगी आहे. छळ होत असल्याबाबत आशाराणी हिने वेळोवेळी आई-वडिलांना सांगितले होते..मात्र माहेर कडील परिस्थिती ही बेताची असल्याने आशाराणीचे आई वडील जावई पवन भोसले याची मागणी पूर्ण करू शकत नव्हते. छळ असहय झाल्याने आशाराणी हिने घराच्या चौकटीला ओढणीच्या साह्याने गळफास घेऊन आत्महत्या केली.दरम्यान आशाराणीची थोरली बहीण ही पवन भोसले याच्या थोरल्या भावाची पत्नी आहे. दोघी बहिणी एकाच घरात असल्याने संसाराचे वाटोळे होऊ नये म्हणून आशाराणीचे वडील नागराज डोणे यांनी शक्य होईल तेवढे पैसे जावई पवनच्या फोन पे वर पाठवले होते. तरीही आशाराणीला त्रास सुरूच होता..प्रतिक्रियामाझ्या मुलीला न्याय मिळावा ही माझी मागणी आहे. मी आशाला लहानाची मोठी करून तिचा संसार सुखाचा करण्याचा प्रयत्न केला माझं काय चुकलं? मात्र तिचा असा शेवट झाल्याचे पाहिल्यावर खूप वाईट वाटले. ती सुशिक्षित होती इयत्ता अकरावीत ती प्रथम क्रमांकाने उत्तीर्ण झाली होती. आशाराणी ची चिमुकली वैष्णवी हिला आम्ही चांगले सांभाळून तिच्यावर चांगले संस्कार करू तिला पोरके पणाची जाणीव होऊ देणार नाही.- नागराज डोणे, मृत आशाराणीचे वडील.अंत्यविधी हिप्परगा येथेदरम्यान नागराज डोणे यांच्या पत्नीचा भाऊ हिप्परगा येथे असतो, त्याच्याशी विचार विनिमय करून आशा राणीचे शवविच्छेदन झाल्यानंतर तिच्यावर हिप्परगा येथेच अंत्यसंस्कार केल्याचे डोणे यांनी सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
