पोलीस नाईक जगदीश कस्तुरे यांना पोलीस महासंचालक पदक प्रदान

मोहोळ : शिंगोली ता.मोहोळ येथील रहिवासी आणि सध्या शिवाजीनगर पुणे येथील पोलीस दलात पोलीस नाईक या पदावर कर्तव्य बजावणाऱ्या जगदीश विठ्ठल कस्तुरे यांना पुण्याचे पोलीस आयुक्त अमिताभ गुप्ता यांच्या हस्ते पोलीस महासंचालक पदक प्रदान करण्यात आले. जगदीश कस्तुरे हे पोलीस नाईक म्हणून मुख्यालय पुणे शहर पोलीस दलात सन 2006 साली भरती झाले आहेत.त्यांच्या 16 वर्षाच्या सेवेत एकूण 132 विविध बक्षिसे मिळालेली आहेत. तसेच हॉकी या खेळात सुद्धा राष्ट्रीय स्तरावर वेळोवेळी विशेष प्राविण्य मिळविले आहे.

जाहीर झालेले पोलीस महासंचालक पदक हे सलग 15 वर्षे अभिलेख उत्तम राखल्या बदद्ल पोलीस महासंचालक मुंबई यांच्या कडुन 30 एप्रिल रोजी पदक जाहीर करण्यात आले होते. पोलीस महासंचालक पदक हे श्री अमिताभ गुप्ता,पोलीस आयुक्त याचे हस्ते प्रदान करण्यात आले. यावेळी संदिप कर्णिक सह पोलीस आयुक्त ,जालिंदर सुपेकर अप्पर पोलीस आयुक्त,श्री विवेक पाटील पोलीस उप आयुक्त मुख्यालय पुणे शहर यांच्या प्रमुख उपस्थितीत मुख्यालय शिवाजीनगर येथे कार्यक्रम पार पाडला.या सन्मानाबद्दल त्यांचे पोलीस दल व मित्रपरिवारात कौतुक होत आहे.