Solapur : बंगाली बांधवांकडून कालीमातेची प्रतिष्ठापना

शहरातील सराफ कट्टा परिसरात २९ वर्षांपूर्वी काही सराफी कारागीर सोलापुरात आले. त्यांचे सोन्याच्या कारागिरीचे काम सुवर्ण पेढी मालकांना आवडल्याने त्यांनी यांना इथेच ठेवून घेतले. या बंगाली बांधवांचे आराध्य दैवत असणाऱ्या कालीमातेचा उत्सव दिवाळीत सुरु होतो. त्याची आज सुरवात झाली आहे..साधारण १९९५ ला काही बंगाली सराफी कारागीर सोलापुरात आले. बहुभाषिक, बहुप्रांतिक सोलापुरात हजारो बंगाली बांधव गेल्या १५ वर्षांपासून काली महोत्सवाचे आयोजन करतात. यंदाच्या वर्षी देखील याचे आयोजन करण्यात आले आहे.सोलापुरात सराफ कारागिरीपासून अनेक क्षेत्रात कार्यरत असणाऱ्या बंगाल व कोलकत्याच्या पण येथे स्थायिक झालेल्या नागरिकांकडून सोलापुरात बंगाली कालीपूजा महोत्सव करण्यात येतो. आज मातेची प्रतिष्ठापना करण्यात आली तर ३ नोव्हेंबरला सवाद्य मिरवणुकीने याची सांगता होणार आहे.१९९५ पासून सोलापुरात कारागीर व्यवसायापासून विविध क्षेत्रात रोजगार मिळवून जवळपास दोन हजार बंगाली बांधव सोलापुरात स्थिरावले आहेत. येथील संस्कृती आणि खानपानबरोबर बंगाली संस्कृतीला धरुन सण-उत्सव साजरे करत आहेत. यंदाही दिवाळीत आजपासून बंगालप्रमाणे सोलापुरातही बंगाली कालीपूजा महोत्सव आयोजित केला गेला शिवानुभव मंगल कार्यालयात हे सर्व विधी होत आहेत..Diwali Laxmi pooja : भारतीय संस्कृतीतील महत्त्वाची पूजा म्हणजे लक्ष्मीपूजन.पश्चिम बंगालची माती व रंगही कालीमातेची मूर्ती साधारण आठ फूट उंचीची असते. ही मूर्ती बनवण्यासाठीची मातीही पश्चिम बंगालवरुन आणण्यात येते. त्याचे रंग व मूर्ती घडवणारे कारागीरही बंगालचेच असतात. ही मूर्ती क्रोध मुद्रेत रागाने बाहेर काढण्यात जीभ अशा स्वरुपात असते. समारोपाच्यादिवशी मधला मारुती मार्गे माणिक चौक, दत्त चौक मार्गे गणपती घाटावर सवाद्य मिरवणुकीने विसर्जनही विधीवत होते.बंगाली कारागीर १९९५ च्या दरम्यान सोलापुरात आले असले तरी मागील १५ वर्षांपासून मोठ्या स्वरूपात सार्वजनिक उत्सव साजरा करण्यात येत आहे. या सर्वच समाजबांधवांना आमचे सहकार्य असते. पूर्वी कुण्या कलावंतांना राजाश्रय दिला जायचा, तसाच आधार सोलापूरच्या सराफ व्यापाऱ्यांनी त्यांना दिला. यामुळे सोलापूरच्या सराफ बाजारपेठेत नवा कलाप्रकार मिळाला आहे.- महेश धाराशिवकर, सुवर्ण पेढी मालक.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.