सोलापूर : मुख्यमंत्री देवेंद्र फडणवीस यांच्या सूचनेनंतरच सोलापूर बाजार समितीच्या निवडणुकीसाठी पुढाकार घेतल्याचे भाजपचे जिल्हाध्यक्ष, आमदार सचिन कल्याणशेट्टी यांनी सांगितले. त्यानंतर सुभाष देशमुख व विजय देशमुख या भाजप आमदारद्वयांनी आम्हाला याबाबत मुख्यमंत्र्यांसह प्रदेशाध्यक्षांची कुठलीही सूचना नसल्याचे लगेच स्पष्ट केले. त्यामुळे मुख्यमंत्र्यांची सूचना खरी की खोटी ? अशी चर्चा भाजप कार्यकर्त्यांत सुरू झाली आहे.