Achyut Godbole : शंभर आयआयटीयन्समध्ये गोडबोले यांचा समावेश

सोलापूर : ज्यांनी पाश्चिमात्य देशातील गलेलठ्ठ पगाराच्या अमिषाला बळी न पडता देशाच्या विकासाला प्राधान्य दिले अशा शंभर आयआयटीयन्सची माहिती असणारे पुस्तक नुकतेच प्रकाशित झाले आहे. यामध्ये मूळचे सोलापूरचे लेखक व तंत्रज्ञ अच्युत गोडबोले यांचा समावेश आहे.

ज्यांनी पाश्चिमात्य देशात जाणे नाकारले व भारतात सेवा देणे पसंत केले अशा शंभर आयआयटी पदवीधारकांची माहिती देणारे पुस्तक तयार करण्यात आले आहे. यामध्ये ३५ व्या क्रमांकावर लेखक अच्युत गोडबोले यांचा समावेश आहे. याच यादीमध्ये जयंत पाटील, मनोहर पर्रिकर यांचाही समावेश आहे.

गोडबोले हे पहिली ते आय.आय.टीच्या जवळजवळ सर्व परीक्षांत त्यांनी गणितात सर्वोच्च गुण मिळवले. भारतीय तंत्रज्ञान संस्थेमधून १९७२ मध्ये उत्तीर्ण झालेले (आयआयटीचे) केमिकल इंजिनिअर आहेत. अनेक पुस्तके त्यांनी लिहिली आहेत. अच्युत गोडबोले हे तंत्रज्ञ, समाजसेवक आणि मराठीतील लेखक आणि वक्ते आहेत. विज्ञान, संगणक तंत्रज्ञान आणि व्यवसाय या विषयांवर त्यांनी प्रामुख्याने लेखन केले आहे.