सोलापूर : बनावट कागदपत्रांच्या आधारे एकाने बँकेत खाते उघडून एन. आर. काबरा अँड कंपनीच्या शुल्कापोटी आलेले १३ लाख ४७ हजार ३३३ रुपये आपल्या खात्यात जमा करुन घेतले. तसेच कंपनीच्या खातेदारांच्या आयकर, जीएसटीची रक्कम न भरता आणि कंपनीच्या खातेदारांच्या आयकर परताव्याचे ४४ लाख ६३ हजार ७०९ रुपये स्वतःसह मित्रांच्या खात्यावर वळविले. अशाप्रकारे एकूण ५८ लाख ११ हजार ४२ रुपयांची फसवणूक केली. याप्रकरणी त्याच्याविरुद्ध जोडभावी पेठ पोलिस ठाण्यात गुन्हा दाखल केला आहे.