सोलापूर : सोलापूरच्या ग्रामीण भागातील दहा व महापालिका हद्दीतील चार अशा एकूण 14 जणांचा कोरोनामुळे मृत्यू झाला आहे. एकाच दिवशी 14 जणांचा मृत्यू झाल्यामुळे जिल्ह्यातील एकूण मृतांची संख्या आता 1 हजार 265 झाली आहे. ग्रामीणमधील 763 तर महापालिका हद्दीतील 502 जणांचा आतापर्यंत कोरोनामुळे मृत्यू झाला आहे.
आजच्या अहवालानुसार 256 नव्या कोरोनाबाधितांची भर जिल्ह्याच्या एकूण आकडेवारीत पडली आहे. त्यामध्ये ग्रामीण भागातील 205 महापालिका हद्दीतील 51 बाधितांचा समावेश आहे. आजच्या अहवालानूसार 260 जण आज एकाच दिवशी कोरोना मुक्त झाल्याने त्यांना रुग्णालयातून घरी सोडण्यात आले आहे. सोलापूर जिल्ह्यातील 30 हजार 282 जण आतापर्यंत कोरोना मुक्त झाले आहेत. त्यामध्ये ग्रामीण भागातील 22 हजार 569 तर महापालिका हद्दीतील 7 हजार 713 जणांचा समावेश आहे.
जिल्ह्यातील एकूण बाधीत व्यक्तींची संख्या आता 36 हजार 847 झाली असून त्यामध्ये महापालिका हद्दीतील 9 हजार 44 तर ग्रामीण भागातील 27 हजार 803 रुग्णांचा समावेश आहे. रुग्णालयात सध्या 5 हजार 300 जणांवर उपचार सुरू आहेत. ग्रामीण भागात सध्या 4 हजार 471 तर महापालिका हद्दीत 829 जण ऍक्‍टिव्ह कोरोना बाधित रुग्ण आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.