मंगळवेढा - भाजप सरकारने शेतकऱ्यांना तुटपुंजी मदत करत जीएसटीच्या रुपाने जादा रक्कम वसूल करत कर्जमाफी, हमीभाव, पिक विमा टाळत सरकारने शेतकऱ्याचे वाटोळे केले. सध्या देशात हुकूमशाही आणत लोकशाही संपवायला निघाल्याचा आरोप खासदार प्रणिती शिंदे यांनी केला..गावभेट दौऱ्याच्या निमित्ताने त्यांनी खोमनाळ व भाळवणी येथील ग्रामस्थांची संवाद साधला. यावेळी त्यांच्या समवेत काँग्रेस तालुकाध्यक्ष प्रशांत साळे, शहराध्यक्ष अॅड. राहुल घुले, युवक काँग्रेसचे अध्यक्ष अॅड रविकिरण कोळेकर, नाथा ऐवळे, शाहीन शेख, इसाक शेख, संदीप पवार, सरपंच लक्ष्मण गायकवाड, विष्णू चौगुले, ग्रामपंचायत सदस्य नामदेव चौगुले, शिवाजी दोडके, ज्ञानेश्वर पाटील, शिवसेना शाखा अध्यक्ष रामहरी जाधव, महादेव साखरे, वसंत माळी, लक्ष्मण माने, महादेव शिंदे, महादेव चौगुले आदीसह मान्यवर यावेळी उपस्थित होते..यावेळी बोलताना खा. शिंदे म्हणाल्या की, सरकारने नळ पाणीपुरवठा योजना, रस्ते, दिवाबत्ती या सुविधा गायरानात दिल्या. लोकांकडून कर रूपाने पैसे घेतले. आणि आता त्यांनाच अतिक्रमण काढा म्हणून नोटीस बजावली जात असल्याने यामध्ये सरकारची भूमिका ही दुतोंडी असल्याचा आरोप करून मी कारखानदार नाही, माझ्याकडे कारखाना बँक व ठेकेदार नाही, मला तुमची कामे करण्यासाठी लोकांनी मागील तीन टर्मचा अनुभव लक्षात घेऊन निवडून दिले आणि खासदारकीचा मान हा तुमच्यामुळे मला मिळाला आहे..मी तुमच्या पाच वर्षासाठी सेवेसाठी आहे. तुमचे काम सांगा, मी काम करण्यासाठी सक्षम आहे. लोकांच्या चेहऱ्यावरील समाधान हेच माझ्या कामाची पोच पावती आहे. भाजप सरकारने जीएसटी महागाई याचबरोबर शेतकऱ्यांचे कंबरडे मोडले आहे. सूत्रसंचालन व आभार दत्तात्रय साखरे यांनी मानले.प्रणिती शिंदे यांच्याकडे गायरानातील अतिक्रमण कायम करणे, पंढरपूर विजयपूर रेल्वे मार्गाचा प्रश्न मार्गी लावणे, पिक विम्याचा शेतकऱ्यांना मिळणे, भाळवणी- खवे रस्त्याचे डांबरीकरण या विषयाच्या मागण्या सादर केल्या..सौर कंपनीला जमीन दिली नसताना सपाटीकरण व वृक्षतोड केल्याची तक्रार महादेव चौगुले यांनी केली. खोमनाळ येथे जिल्हा परिषद शाळेला संरक्षक भित बांधणे, रस्ते व रस्त्याची मागणी करण्यात आले, याशिवाय शेती पंपाला पुरुष हे दाबाने वीज पुरवठा करण्यासाठी अतिरिक्त ट्रान्सफॉर्मर ची देखील मागणी करण्यात आले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
