सोलापूर : शहरात सणासुदीनिमित्त बाजारपेठांमध्ये गर्दी होऊ लागली आहे. या पार्श्वभूमीवर महापालिकेच्या वतीने विनामास्क फिरणाऱ्यांसह नियमांचे उल्लंघन करणाऱ्यांवर दंडात्मक कारवाई केली जात आहे. संशयितांनी वेळेत दवाखान्यात दाखल व्हावे, असे आवाहन करुनही उशिराने दाखल झालेल्या अनोळखी 50 वर्षीय व्यक्तीचा आणि भागवत टॉकिज परिसरातील 60 वर्षीय पुरुषाचा कोरोनामुळे मृत्यू झाला आहे. आज एक हजार 72 रिपोर्टमध्ये 27 जण पॉझिटिव्ह आढळले आहेत.
ठळक बाबी...
शहरात आज मोदीखाना (रेल्वे लाईन), विद्या नगर, आदर्श चौक, जागृती मंदिरामागे (शेळगी), शिवाजी नगर, वाणी गल्ली (बाळे), टीबी वॉर्ड (सर्वोपचार रुग्णालय), लिमयेवाडी, रामवाडी, भवानी पेठ (मड्डी वस्ती), निर्मला विहार, माशाळे नगर, राजस्व नगर (विजयपूर रोड), फौजदार चावडीजवळ, आरटीओ ऑफिसजवळ, कृषी नगर (होटगी रोड), विश्राम सोसायटी, कांबळे नगर (मजरेवाडी), आनंद नगर, मंजुनाथ नगर, टिळक चौक आणि महाराणा प्रताप नगर (कुमठा नाका) या ठिकाणी नव्या रुग्णांची भर पडली आहे. शहरात रुग्णांच्या संपर्कातील 102 संशयित होम क्वारंटाईनमध्ये आहेत. तर 55 जण इन्स्टिट्यूशनल क्वारंटाईनमध्ये आहेत आणि 24 जण होम आयसोलशेनमध्ये आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.