Floodwaters from Chandrabhaga submerge Pundalik and nearby temples in Pandharpur; authorities issue warnings to devotees.Sakal
सोलापूर
पंढरपुरात चंद्रभागेकाठी पूरस्थिती! भक्त पुंडलिकासह इतर मंदिरे पाण्याखाली; भाविकांना पात्रात न उतरण्याचे आवाहन
Solapur News : मंगळवारी दुपारी तो ४० हजार क्युसेक इतका वाढविण्यात आला आहे. तर वीर धरणातून नीरा नदीमध्ये २२ हजार ३६० क्युसेक विसर्ग सोडण्यात आला आहे. तो ही संगम येथून भीमा नदीपात्रात मिसळतो. त्यामुळे पंढरपुरात चंद्रभागा नदी दुथडी भरून वाहू लागली आहे.
पंढरपूर : उजनी आणि वीर धरणातून सोडण्यात आलेले पाणी पंढरपुरातील चंद्रभागेत पोचले आहे. मंगळवारी सायंकाळी चंद्रभागेच्या काठी पूरस्थिती निर्माण झाली आहे. तर वाळवंटातील भक्त पुंडलिक मंदिरासह इतर साधुसंतांची मंदिरे पाण्याखाली गेली आहेत. जुना दगडी पूलही पाण्याखाली गेल्याने तो वाहतुकीसाठी बंद करण्यात आला आहे. दरम्यान, भाविकांनी स्नानासाठी चंद्रभागेच्या पात्रात उतरू नये, असे आवाहन प्रशासनाकडून करण्यात आले आहे.