सोलापूर - भारतीय लष्करासाठी गणवेशाची स्वदेशी खरेदी करण्यात येणार आहे. त्याकरिता जीएम पोर्टलवरून निविदा प्रक्रिया राबविण्यात येत आहे. सोलापुरातील उद्योजकांना सहभागी होण्यासाठी प्रोत्साहित करावे, असे पत्र केंद्रीय संरक्षणमंत्री राजनाथसिंह यांनी पाठविल्याची माहिती खासदार डॉ. जयसिद्धेश्‍वर महास्वामी यांना दिली.
सोलापूरचे वैभव असलेल्या गारमेंट उद्योगाला एक नवी दिशा मिळावी. यातून शहरात रोजगाराच्या मोठ्या संधी उपलब्ध व्हाव्यात, यासाठी खासदार डॉ. महास्वामी यांनी लोकसभेच्या अधिवेशनात शून्य तासामध्ये भारतीय लष्करासाठी बनविण्यात येणाऱ्या गणवेशाचे ऑर्डर सोलापूरच्या गारमेंट मॅन्यूफॅक्चरिंग असोसिएशनतर्फे प्रायोगिक तत्वावर मिळावे, असा प्रश्‍न उपस्थित केला होता.
दरम्यान जून महिन्यात लष्करासाठी गणवेश खरेदी नियममावलींच्या तरतूदीनुसार जीएम पोर्टलद्वारे निविदा काढण्याबाबतचा निर्णय संरक्षण मंत्रालयाने घेतला आहे. या निविदा प्रक्रियेत देशभरातील व्यापारी सहभागी होउ शकतात. त्या पार्श्‍वभूमीवर सोलापूर गारमेंट मॅन्यूफॅक्चरिंग असोसिएशनला प्रोत्साहित करावे, असे श्री. राजनाथसिंह यांनी खासदार डॉ. महास्वामी यांना दिलेल्या पत्रात म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.