Tattoo Care Tips: ‘टॅटू’ काढताय? मग शाईबद्दल जाणून घ्या

अप्पासाहेब हत्ताळेSolapur: तरुणाईसह सर्वच वयोगटात ‘टॅटू कल्चर’ झपाट्याने लोकप्रिय होत आहे. या पार्श्वभूमीवर नुकतेच अन्न व औषध प्रशासनाने केलेल्या तपासणीत टॅटूच्या शाईत घातक २२ जड धातू आढळल्याचे कर्नाटक सरकारने जाहीर केले आहे..मात्र, महाराष्ट्रात कधीही टॅटूच्या शाईची तपासणी झाली नसल्याची धक्कादायक बाब समोर आली आहे. केवळ औषधात त्याचा समावेश नसल्याचे कारण पुढे करून त्याच्या तपासणीकडे होणाऱ्या प्रशासनाच्या दुर्लक्षाचा लाखो लोकांना फटका बसू शकतो..IBPS Clerk Mains Result 2025: खुशखबर! IBPS क्लर्क मुख्य परीक्षा निकाल जाहीर, फॉलो करा स्टेप्स आणि डाउनलोड करा स्कोरकार्ड.पूर्वी ग्रामीण भागात काट्याने गोंदण (टॅटू) केले जायचे. आता हाच गोंदवून घेण्याचा ट्रेंड सेलिब्रिटींपासून सर्वसामान्य लोकांत भलताच लोकप्रिय झाला आहे. शरीरावर टॅटू काढून घेणे हे फॅशनसह स्टाइल स्टेटमेंट बनले आहे. मात्र, त्यासाठीच्या काट्याची जागा आधुनिक मशिनने घेतली असून, त्यासाठी शाईचा वापर केला जात आहे. या पार्श्वभूमीवर कर्नाटक सरकारच्या अन्न व औषध प्रशासनाने (एफडीए) नुकत्याच केलेल्या तपासणीमध्ये टॅटूच्या शाईत २२ जड धातू आढळले आहेत. ते मानवी आरोग्यासाठी घातक असल्याचे खुद्द तेथील आरोग्यमंत्र्यांनी जाहीर केले आहे. परंतु महाराष्ट्राच्या अन्न व औषध प्रशासन कधीही या शाईची राज्यात तपासणी करत नाही. त्यामुळे शरीरावर टॅटू काढून घेणाऱ्यांचे आरोग्य रामभरोसे असल्याचेच दिसते..आढळलेले जड धातूकर्नाटकच्या अन्न व औषध प्रशासनाने केलेल्या तपासणीत टॅटूच्या शाईमध्ये सेलेनियम, क्रोमियम, अर्सेनिक, प्लॅटिनम आदी रंगद्रव्ये आणि जड धातू आढळले आहेत. तसेच काही ठिकाणी जिवाणू आणि बुरशीजन्य संसर्गाची माहितीही समोर आल्याचे सांगण्यात आले आहे.त्वचारोगाची शक्यताटॅटूच्या शाईतील मायक्रो आरगॅनिझम आणि हेवी मेटल हे त्वचेच्या माध्यमातून शरिरात प्रवेश करू शकतात. ही रंगद्रव्ये आणि जड धातू यकृत, फुफ्फुस किंवा मूत्रपिंड यासारख्या अवयवांतही वाहून नेले जाऊ शकतात. त्यामुळे अनेक त्वचारोग होण्याचा संभव आहे.तपासणीतील अडथळाटॅटूच्या शाईत एकूण शाई, धातू व ते किती प्रमाणात वापरावे आणि त्यावर नियंत्रणाचा कोणताही कायदा नाही. शिवाय हा कायदा करण्याचा अधिकार केंद्र सरकारला आहे. त्यासोबतच या शाईचा औषध आणि त्वचावर्धक अधिनियमात समावेश नाही. त्यामुळे औषध प्रशासनाकडून त्याची तपासणी केली जात नाही.सोलापुरात टॅटू काढण्याची १५ दुकानेअलीकडच्या काळात सोलापूर शहरातही टॅटू काढण्याचे प्रमाण वाढले आहे. टॅटू कारागिरांची शहरात १५ दुकाने आहेत. काही कारागीर घरी जाऊनही टॅटू काढतात. त्यासाठी ते मुंबई, पुण्यातून शाई आणतात, असे टॅटू काढणारे महादेव मसलकर यांनी सांगितले..टॅटूच्या शाईचा औषधात समावेश नाही. हा विषय केंद्राच्या अखत्यारीतील आहे. त्यामुळे त्याची अद्याप तपासणी केली गेलेली नाही.- अरुण गोडसे, सहायक आयुक्त, औषध प्रशासन, सोलापूरशाईत वापरलेल्या रंगद्रव्ये व धातूंचे प्रमाण आणि त्याच्या वापराच्या प्रमाणावर त्याची घातक परिणामकारकता अवलंबून आहे. प्रमाणापेक्षा अधिक वापर झाल्यास त्वचेचा कर्करोग होऊ शकतो. शिवाय त्याचा परिणाम हा लगेच दिसून येत नाही. मात्र, हळूहळू त्याचे परिणाम मानवी आरोग्यावर दिसू शकतात.- डॉ. यतीन जोग, जनरल फिजिशियन, सोलापूर.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.