सोलापूर : बृहन्मुंबई पोलिस आयुक्तालयाच्या हद्दीत कार्यरत असलेल्या/राहिलेल्या सहाय्यक पोलिस उपनिरीक्षक, सहायक हवालदार लेखनिक, पोलिस हवालदार, पोलिस नाईक, पोलिस शिपाई, सेवानिवृत्ती, स्वेच्छासेवानिवृत्त आणि दिवंगत पोलिस अशा 13 हजार 909 पोलिसांना राज्य सरकारने दिलासा दिला आहे. 1993 पूर्वी पोलिस शिपाई पदावर नियुक्ती झालेल्या या कर्मचाऱ्यांना संगणक हाताळणी बाबतचे ज्ञान आवश्यक होते. हे प्रमाणपत्र सादर करण्यासाठी या पोलिसांना शासनाने सूट दिली आहे.
हेही वाचा - राज्यातील साडेनऊ हजार शिक्षकांना दिलासा
हे प्रमाणपत्र नसल्यामुळे या कर्मचाऱ्यांना वेतन आयोग मिळण्यास अडचणी निर्माण झाल्या होत्या. 1993 पूर्वी नियुक्त झालेल्या पोलिस शिपाई कर्मचाऱ्यांची शैक्षणिक अर्हता आठवी पास अशी होती. महाराष्ट्र राज्य तंत्रशिक्षण महामंडळामार्फत घेतल्या जाणाऱ्या संगणक अर्हता परीक्षेसाठी हे कर्मचारी बसू शकले नाहीत. त्यामुळे या कर्मचाऱ्यांना ही अर्हता परीक्षा उत्तीर्ण झाल्याचे प्रमाणपत्र सादर करण्यात आले नाही. प्रमाणपत्रा अभावी सातव्या वेतन आयोगानुसार या कर्मचाऱ्यांची वेतन निश्चिती करण्यात आली नव्हती. 30 नोव्हेंबर 1993 पूर्वी ज्या कर्मचाऱ्यांची पोलिस शिपाई पदावर नियुक्ती झाली आहे. अशा कर्मचाऱ्यांना या सवलतीचा लाभ मिळणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
