HSRP : वाहनांची ‘उच्च सुरक्षा’ चालकांसाठी महाग; जादा शुल्कावर वाहतूक संघटनांचा आक्षेप, केवळ तीन लाख वाहनांवर नव्या पाट्या

सोलापूर : रस्ते सुरक्षेसाठी, वाहनांशी संबंधित गुन्हे रोखण्यासाठी व वाहतूक नियमांच्या अंमलबजावणी सुधारण्यासाठी सर्वोच्च न्यायालयाने उच्च सुरक्षा क्रमांक पाटी (हाय सिक्युरिटी नंबरप्लेट-एचएसआरपी) बसविणे अनिवार्य केले आहे..त्यानुसार महाराष्ट्रात १ एप्रिल २०१९ पूर्वीच्या दीड कोटी वाहनधारकांनी ३० एप्रिलपर्यंत नंबरप्लेट बसविणे अपेक्षित आहे. मात्र, त्यासाठीचे शुल्क जादा असून पाटी बसविण्यासाठी १०० रुपये घेतले जातात. त्यावर आक्षेप घेत शुल्क कमी करण्याची मागणी वाहतूक संघटनांनी केली आहे..राज्यात आतापर्यंत अवघ्या तीन लाख वाहनधारकांनीच नवीन नंबरप्लेट बसविली आहे. तमिळनाडू, झारखंड, पुदुच्चेरी व केरळ या राज्यांमध्ये नंबरप्लेट बदलाची कार्यवाही सुरू झालेली नाही. शुल्कासंदर्भात त्याठिकाणी आक्षेप नोंदविल्याने तेथे त्यासंबंधीची निविदा पुन्हा मागविली आहे. पंजाब, जम्मू-काश्मीर व उत्तराखंड या राज्यात यापूर्वीच त्याची अंमलबजावणी झालेली आहे. .दिल्ली, उत्तर प्रदेश. हिमाचल प्रदेश, दिव-दमण, पश्चिम बंगाल, अंदमान-निकोबार, ओडिशा, बिहार, सिक्किम, आसाम, आंध्र प्रदेश, गुजरात, कर्नाटक, राजस्थान, मध्य प्रदेश, मेघालय, चंडीगड, हरियाना, गोवा व केरळ या राज्यांमध्ये या नंबरप्लेटसाठीचे शुल्क दुचाकीसाठी ४२० ते ४८० रुपये, तीन चाकीसाठी ४५० ते ५५० रुपये, चारचाकी व ट्रकसाठी ४९० ते ८०० रुपयांपर्यंत आहे. यासंदर्भात परिवहन आयुक्तालयाने केंद्र सरकारला माहिती कळविली आहे..दरम्यान, अजूनही महाराष्ट्रातील तब्बल एक कोटी ४७ वाहनधारकांनी ‘एचएसआरपी’ बसविलेली नाही पण ३० एप्रिलपर्यंत सर्व वाहनांना ती नंबरप्लेट बसविली जाईल, असे प्रतिज्ञापत्र सरकारकडून सर्वोच्च न्यायालयात सादर करण्यात आले आहे..मोटारमालक कामगार वाहतूक संघटना म्हणतात...१ एप्रिल २०१९ पूर्वीच्या सर्व वाहनांना ‘एचएसआरपी’ बंधनकारक करण्यात आले असून, त्याची मुदत ३० एप्रिल २०२५ पर्यंत आहे. दुचाकी, रिक्षा, कार, ट्रक, मोटारीला ती नंबरप्लेट बसविण्याचे शुल्क जादा आहे. सर्वाधिक दर असलेल्या तीन कंपन्यांना तो ठेका देण्यात आला आहे. हातावरील पोट असलेल्या रिक्षाचालकांना नंबरप्लेट बसविण्यासाठी ४६० रुपये द्यावे लागतात. तेच शुल्क गुजरातमध्ये २०० रुपये, गोव्यात १५५ रुपये, पंजाबमध्ये २७० आणि आंध्र प्रदेशात २८२ रुपये असल्याचे निवेदन राष्ट्रवादी मोटार मालक वाहतूक संघटनेने दिले आहे. संभाजी आरमार संघटनेने ही सक्ती थांबवावी असे निवेदन दिले आहे..CM Devendra Fadnavis : स्वस्तात कर्ज द्या, कमी दरात वीज देऊ! वीज मंत्री परिषदेत फडणवीस यांची केंद्राकडे मागणी.उच्च सुरक्षा क्रमांक पाटी बसविण्याचे शुल्क उच्चस्तरीय समितीच्या बैठकांमध्ये निश्चित झालेला आहे. शुल्काबाबत १५ माहिती अधिकार कार्यकर्त्यांनी माहिती मागविली होती. नंबरप्लेट बसविण्यासाठी १०० रुपये बसविण्याचे शुल्क मूळ दरात समाविष्ट असल्याने ते शुल्क आपल्याकडे जास्त दिसते. आपल्याकडील शुल्क अन्य राज्यांप्रमाणेच आहेत.- विवेक भीमनवार, परिवहन आयुक्त.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.