पाटकुल - टाकळी सिकंदर, ता. मोहोळ येथील मृत श्रेया धनंजय कापसे या चिमुकलीला व तिच्या कुटुंबीयाला माजी आमदार यशवंत माने यांच्या पाठपुराव्यामुळे अखेर चार लाख रुपयाची मदत मंजूर झाली. त्यामुळे कापसे कुटुंबीयाला अखेर न्याय मिळाला. .या संदर्भात अधिक माहिती अशी की, टाकळी सिकंदर, ता. मोहोळ येथील कापसे कुटुंबीय अत्यंत गरीब. 7 सप्टेंबर 2023 रोजी श्रेया हिची आई दुसऱ्याच्या शेतात मजुरीला गेली होती. तिच्या बरोबरच श्रेया ही गेली होती. त्यावेळी खेळत असताना महावितरणच्या मुख्य विद्युत वाहिनीची तार तुटून श्रेया हिच्या अंगावर पडली, त्यामुळे ती पूर्ण भाजली..तातडीने तिला उपचारासाठी रुग्णालयात दाखल केले होते. दरम्यान घरची परिस्थिती अत्यंत गरीबीची असल्याने श्रेयावर खाजगी रुग्णालयात उपचार करणे कापसे कुटुंबीयांच्या आवाक्या बाहेरचे होते. त्यावेळी टाकळी सिकंदर येथील माजी पंचायत समिती सदस्य माऊली चव्हाण, शिराज तांबोळी, सरपंच तुकाराम चव्हाण, हर्षल बनसोडे, प्रशांत बचुटे, आदी सह सर्वांनी मिळून श्रेयाच्या उपचारासाठी तातडीची मदत म्हणून 38 हजार रुपयाची रक्कम संकलित करून कापसे कुटुंबियांना दिली होती. मात्र ती ही उपचारासाठी संपली..दरम्यान, माजी आमदार यशवंत माने यांना ही घटना समजल्या नंतर टाकळी सिकंदर येथे जाऊन त्यांनी कापसे कुटुंबीयांची भेट घेतली. व श्रेयाच्या उपचारासाठी येणारा खर्च मी करतो असे सर्वासमोर आश्वासन दिले.दरम्यान जोपर्यंत श्रेयाला मदत मिळत नाही तोपर्यंत आम्ही तुटलेली तार जोडू देणार नाही. अशी भूमिका टाकळी सिकंदर ग्रामस्थांनी त्यावेळी घेतली होती. दरम्यान माजी आमदार माने यांनी ती मदत मी मिळवून देतो, असे आश्वासन दिल्यानंतर ग्रामस्थांनी तारा जोडू दिल्या..दरम्यान महावितरणच्या अधिकाऱ्यांनी या प्रकरणातील त्रुटी काढून मदत देता येत नसल्याचे भूमिका घेतली होती. कारण श्रेया ही रुग्णालयात उपचारासाठी दाखल असल्याने कापसे कुटुंबीयांना शासकीय प्रक्रिया पार पाडण्यास थोडा विलंब झाला होता. दरम्यान माजी आमदार माने यांनी त्यातून ही मार्ग काढला तसेच श्रेया हिच्या मृत्यू बाबत विधिमंडळात तारांकित प्रश्न उपस्थित केला..त्यावेळी महावितरण प्रशासन खडबडून जागे झाले. तसेच कापसे कुटुंबीयांच्या परिस्थिती बाबत माजी आमदार माने यांनी उपमुख्यमंत्री अजित पवार यांचीही भेट घेऊन वस्तूस्थिती त्यांना सांगितली होती. या सर्व प्रयत्नांना यश येऊन अखेर सात वर्षाच्या श्रेयाला न्याय मिळाला व तिच्या कुटुंबीयाला चार लाखाची मदत मंजूर झाली..दरम्यान आमदार राजू खरे यांना ही घटना समजल्यावर त्यांनीही सोलापूर येथील शासकीय रुग्णालयात जाऊन श्रेयाच्या प्रकृतीची पाहणी केली डॉक्टरांना श्रेयाच्या उपचारा बाबत काही सूचना दिल्या. कापसे कुटुंबीयांना त्याचवेळी आमदार खरे यांनी 25 हजाराची रोख मदत दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
