The project is expected to improve irrigation, drinking water supply and water storage in Solapur, Satara and Pune districts.
Sakal
सांगोला : कृष्णा खोरे पाणी तंटा लवाद-१ मधील महाराष्ट्राच्या वाट्याच्या पाण्याचा परिपूर्ण वापर करण्यासाठी कृष्णा नदीचे पाणी दुष्काळी भागात वळविण्याच्या महत्त्वाकांक्षी प्रकल्पासाठी सर्वेक्षण, अन्वेषण, संकल्पन आराखडा, अंदाजपत्रक व सविस्तर प्रकल्प अहवाल (डीपीआर) तयार करण्यास २४ कोटी ५ लाख ६७ हजार १२५ रुपये इतक्या खर्चास प्रशासकीय मान्यता दिली आहे. दुष्काळी भागाला कायमस्वरूपी पाणी उपलब्ध करून देण्याच्या दृष्टीने महत्त्वपूर्ण पाऊल पडले असून, माजी खासदार रणजितसिंह नाईक-निंबाळकर यांच्या सातत्यपूर्ण पाठपुराव्याला मुख्यमंत्री देवेंद्र फडणवीस यांनी सकारात्मक प्रतिसाद दिल्याने यश आले आहे. महाराष्ट्र शासनाच्या जलसंपदा विभागाने २२ जुलै रोजी शासन निर्णय (जीआर) जारी केला आहे.
