मंगळवेढा: पोलीस असल्याची बतावणी करून द्राक्ष खरेदीसाठी जाणाऱ्या पिकअपचालकाला अडवून 90 हजाराची लूट केल्या प्रकरणाचा तपास पोलिसांनी लावला असून या प्रकरणात फिर्यादीत चोर निघाल्याचे स्पष्ट झाल्याने खळबळ उडाली..या प्रकरणाची फिर्याद इम्तिहाज मोहम्मद हुसेन वय 40 राहणार केलदी रोड बीडी कॉटर्स सागर जिल्हा शिवमोगा कर्नाटक हा बोलेरो गाडी क्रमांक के ए 18 बीड 2434 मधून द्राक्ष खरेदीसाठी जात असताना मंगळवेढा शिवारात 21 एप्रिल रोजी सकाळी 8.30 वाजता जात असताना काळ्या रंगाच्या बुलेटवर दोन अनोळखी तरुण येऊन गुटखा वाहतूक करतो का असे विचारात स्वतःकडील मराठीतील ओळखपत्र दाखवून गाडीची पडताळणी केली दरम्यान शीट खाली ठेवलेले 90 हजार रुपये काढून घेतले या प्रकरणानंतर चार किलोमीटर पाठलाग केला भरधाव वेगाने गेल्याने 90 हजाराची लूट केल्याप्रकरणी दोघा अनोळखी इसमाविरोधात गुन्हा दाखल केला.या गुन्ह्याच्या अनुशंगाने मंगळवेढा ते हुलजंती रोडवरील 19 सीसीटीव्ही कैमेरे चेक केले, तसेच मंगळवेढा ते हुलजंती जाणारे रोडवरील हॉटेल, ढाबे मधील सीसीटीव्ही चेक केले..तसेच फिर्यादी, वाहन मालक व साक्षीदार यांच्याकडे गुन्ह्याच्या अनुशंगाने मोबाईल कॉल्स, सीसीटीव्ही फुटेज ची पाहणी केली असता यातील फिर्यादी याने फिर्यादी मध्ये नमुद केलेल्या वेळेत व घटनास्थळाबाबत तफावत अढळुन आल्याने त्याच्यावर संशय आल्याने नमुद फिर्यादीस ताब्यात घेवुन त्याच्याकडे कसुन तपास केला असता त्याने सुरवातीस उडवा उडवीची उत्तरे दिली. त्यानंतर त्याच्याकडे अधिक कसुन तपास केला असता त्याने त्याच्याकडुन पैसे चोरी गेल्याचा बनाव करुन मालकाने शेतकऱ्यांकडुन द्राक्ष मागवीण्याकरीता त्याच्याकडे विश्वासाने सोपवलेली रक्कमेचा त्याने स्वताच अपहार केल्याचे तपासात निष्पन्न झाले. पोलिसांनी त्याला न्यायालयात हजर केले असता 27 एप्रिल पर्यंत पोलीस कोठडी सुनावली..सदरची कारवाई पोलीस निरीक्षक दत्तात्रय बोरिगिड्डे, यांच्या नेतृत्वाखाली पोलीस उपनिरीक्षक नागेश बनकर, तपासी अंमलदार पोहेकाॅ तुकाराम कोळी, पोहेकॉ.श्रीमंत पवार, पोकॉ.अजय शिंदे यांनी हि कामगिरी पार पाडली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
