Commuters Upset as Marathwada Trains Skip Pune Station; Extra Burden on Travelers
sakal
सोलापूर : पुणे रेल्वे स्टेशनवर सध्या विविध विकासकामे आणि फलाट विस्तारीकरणाचे काम सुरू आहे. या कामांचा फटका मराठवाड्यातून येणाऱ्या प्रवाशांना बसत आहे. लातूर, धाराशिव, बार्शी आणि नांदेडहून येणाऱ्या महत्त्वाच्या रेल्वेगाड्या पुणे स्टेशनपर्यंत न नेता हडपसरलाच थांबवल्या जात आहेत. याच काळात उत्तर भारतातून येणाऱ्या सर्व गाड्यांना मात्र पुणे स्टेशनपर्यंत प्रवेश दिला जात असल्याने रेल्वे प्रशासनाकडून मराठवाड्यावर अन्याय होत असून उत्तरेकडून येणाऱ्या गाड्यांना अगत्यशील वागणूक मिळत आहे.