Mangalwedha News : खा. प्रणिती शिंदेचा स्वबळाचा नारा; विधानसभेची पुनरावृत्ती स्थानिकमध्ये होण्याची भीती

मंगळवेढा - लोकसभा निवडणुकीत पंढरपूर मतदार संघात मिळालेल्या मताधिक्याच्या जोरावर खा. प्रणिती शिंदे यांनी विधानसभेची उमेदवारी पदरात पडली. मात्र, या निवडणुकीत काँग्रेसच्याच कार्यकर्त्यांनी वेगळी चूल मांडल्याने विधानसभेला काँग्रेसचा पराभव झाला..अशा परिस्थितीत स्थानिक स्वराज्य संस्थेची निवडणूक स्वबळावर लढण्याची भाषा केली. मात्र विधानसभेप्रमाणे स्थानिक स्वराज्य संस्थेच्या निवडणुकीत काँग्रेसच्या कार्यकर्त्यांनीच झलक दाखवल्यास विधानसभेची पुनरावर्ती होण्याची शक्यता नाकारता येत नाही.गेली अनेक वर्ष प्रलंबित असलेल्या स्थानिक स्वराज्य संस्थेच्या निवडणुका घेण्याबाबत सर्वोच्च न्यायालयाने आदेश दिले. त्यानुसार राज्य निवडणूक आयोगाने नगरपालिका व जिल्हा परिषद पंचायत समितीचे प्रभाग रचना सदस सदस्य संख्या निश्चित करण्यासाठी गती घेतली आहे..अशा परिस्थितीत निवडणुकी संदर्भात चर्चा करण्यासाठी काँग्रेसच्या खा. प्रणिती शिंदे यांनी नुकतीच मंगळवेढा येथे काँग्रेस कार्यकर्त्यांची बैठक घेतली. त्या बैठकीत अनेक कार्यकर्त्यांनी आपली मते मांडताना स्वतः खा. शिंदे या निधीचे पत्र देताना कार्यकर्त्यांना न विचारता देतात, मग निवडणुकीत कार्यकर्त्यांनी झटलेल्याचे काय?त्यामुळे या पुढील काळात निधी वाटप करताना कार्यकर्त्यांचे मत विचारात घ्यावे अशी सूचना केली, तर विधानसभेची जागेसाठी खा.प्रणिती शिंदे यांनी आपली ताकद पणाला लावून उमेदवारी मिळवली..परंतु काँग्रेसच्या कार्यकर्त्यांनी ऐन निवडणुकीत वेगळी चूल मांडल्यामुळे इथली जागा गमवावी लागले. त्यामुळे कार्यकर्त्यांनी उमेदवार कोण आहे? यापेक्षा खा. प्रणिती शिंदे याच उमेदवार समजून मदत केली तर काँग्रेसला चांगले दिवस येतील. तर एका माजी सरपंचाने विधानसभा निवडणुकीच्या पराभवानंतर विकास कामे करताना येत असलेल्या अडचणीचा पाढा वाचला, स्वतः खा.शिंदे यांनी कार्यकर्त्यांची कामे होण्यासाठी लक्ष देण्याच्या सूचना करण्यात आल्या..अशा परिस्थितीत विधानसभा निवडणुकीत काँग्रेससोबत नसलेले अनेक कार्यकर्ते हे या बैठकीला हजर होते. तर विधानसभेचे काँग्रेस उमेदवार भगीरथ भालके हे बैठकीला गैरहजर होते. ते शिंदे गटात संपर्कात असल्याची चर्चा आहे. त्यांचा गट शिंदे गटाची जवळ गेल्यास काँग्रेस आणखीनच अडचणीत येणार आहे..काँग्रेसच्याच कार्यकर्त्यांनी वेगळी चूल मांडल्यामुळे काँग्रेसला इथली जागा गमवावी लागली. त्याचे परिणाम तालुक्यात विकास कामे करताना जानवू लागल्याची खंत देखील यावेळी बैठकीत व्यक्त केली. खा. शिंदे यांनी कार्यकर्त्यांकडून होणाऱ्या चुकीला पांघरून घातल्यामुळे विधानसभेसारखी पुनरावर्ती स्थानिक स्वराज्य संस्थेत होणार नाही का? अशी चर्चा या बैठकीनंतर कार्यकर्त्यातून दबक्या आवाजात सुरू झाली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.