रस्त्यावर येणारी सर्व वाहने होत आहेत जप्त!

सोलापूर : संचारबंदीच्या कालावधीत घराबाहेर पडणाऱ्या लोकांची दुचाकी, चारचाकी वाहने जप्त करण्याच्या कारवाईला आज रविवारी सकाळपासून झाली आहे. दोन तासात शेकडो वाहने जप्त करण्यात आली आहेत.

शहरातील सर्वच प्रमुख चौकात, रस्त्यांवर नाकाबंदी करून वाहने अडविण्यात येत आहेत. सर्व वाहने जप्त करण्यात येत असून ती लॉकडाऊन नंतरच सोडण्याचा पोलिसांचा विचार आहे. सैफुल, विजापूर नाका, डॉ. बाबासाहेब आंबेडकर चौक, एमआयडीसी, कुमठा नाका, आसरा चौक, सात रस्ता, रेल्वे स्टेशन परिसर, रूपा भवानी रोड या परिसरात नाकाबंदी करण्यात आली आहे. सकाळपासून शेकडो वाहने पोलिसांनी जप्त केली असून ती लॉकडाऊन नंतर परत करण्यात येणार असल्याचे वरिष्ठ अधिकाऱ्यांकडून सांगण्यात आले.