केत्तूर (सोलापूर) : सध्या पेट्रोल- डिझेलच्या दराने शतक पार केले आहे. घरगुती गॅसमध्येही भरमसाठ मोठी दरवाढ झाली आहे. शेतीच्या मशागतीच्या दराबरोबरच रासायनिक खतांच्या दरातही भरमसाठ वाढ झाली आहे. त्यामुळे शेतकऱ्यांसह सर्वसामान्य नागरिकही महागाईचा सामना करीत आहेत.
शेतकऱ्यांना शासन हमी भाव देण्यास तयार नाही. त्यातच सध्या गोडे तेलाचे दरही वरचेवर वाढत असल्याने गृहिणींनाही महागाईचा ठसका बसत आहे. तर दुसरीकडे राज्यात कोरोना रुग्णांची संख्याही झपाट्याने वाढत असल्याने पुन्हा एकदा लॉकडाउन होते की काय, या भीतीमुळे सर्वसामान्य शेतकरी व नागरिक त्रस्त झाले आहेत. त्यामुळे या महागाईच्या खाईत मात्र कोरोनाची घाई अशा विचित्र परिस्थितीत नागरिक सापडले आहेत.
चार राज्यांमध्ये सध्या विधानसभा निवडणुकांचा माहोल रंगला असतानाच, इंधन दरवाढ मात्र थांबली नाही. यामध्ये आणखी वाढ होण्याचे संकेत मिळत आहेत.
खाद्य तेलाचे दर आवाक्‍याबाहेर
खाद्य तेलाच्या दरात सातत्याने वाढ होत असल्याने भाज्या किंवा चपात्या बिगर तेलाच्या करायच्या का, असा सवाल सर्वसामान्य गृहिणींतून विचारला जाऊ लागला आहे. महिनाभरात 50 ते 70 रुपयांनी खाद्य तेलाच्या दरात वाढ झाली आहे. खाद्य तेलाबरोबरच डाळी व कडधान्य यांचे दरही कडाडले आहेत. खाद्य तेलाच्या किमती दिवाळीपासून रोज वाढत आहेत. 15 किलो तेल डब्यामागे 200 ते 300 रुपयांची वाढ झाली आहे. एकूणच, वाढत्या महागाईने सर्वसामान्यांचे महिन्याचे आर्थिक गणित मात्र पारच कोलमडून पडले आहे.
असे वाढत आहेत दरमहा तेलाचे दर
डाळींचे सध्याचे दर
गॅस दरवाढ
पेट्रोल व डिझेल दरवाढीच्या भांडणात खाद्य तेलाचे दर केव्हा वाढले, हे समजलेच नाही. डाळीबरोबरच गॅसचे दर वाढल्याने महिन्याचे बजेट मात्र कोलमडले आहे. जुळवाजुळव करताना मोठी कसरत करावी लागत आहे.
- ऊर्मिला माने,
गृहिणी, केत्तूर
डिझेलच्या दरात वाढ झाल्याने वाहतुकीचे दर वाढले आहेत. पर्यायाने जीवनावश्‍यक वस्तूंचे दरही वाढले आहेत.महागाई जगणे त्रस्त करत आहे.
- सुहास निसळ,
व्यापारी
वाढत्या महागाईचा किराणा वस्तू खरेदीवर परिणाम झाला असून, महिन्याच्या वस्तू घेणारे ग्राहक कमी झाले आहेत. ज्या वस्तू लागतील त्याप्रमाणेच आता ग्राहक खरेदी करत आहेत.
- दिलीप खेडकर,
व्यापारी
संपादन : श्रीनिवास दुध्याल
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
