टेंभुर्णी - हैदराबादहून मुंबईकडे प्रवाशांना घेऊन जाणारी खाजगी लक्झरी बसने अचानक पेट घेतला. चालकाने वेळीच सतर्कता दाखवून बसमधील प्रवाशांना खाली उतरविल्याने सुदैवाने जीवित हानी झाली नाही. मात्र या आगीत बस पूर्णपणे जळून खाक झाली..ही घटना सोलापूर- पुणे महामार्गावर टेंभुर्णीपासून सहा किलोमीटर अंतरावरील वेणेगांव नजिक सकाळी साडेसात वाजण्याच्या सुमारास घडली. टेंभुर्णी पोलीस, मोडनिंब येथील महामार्ग पोलीस मदत केंद्रातील पथक व वरवडे टोल नाक्यावरील गस्ती पथकाने तातडीने घटनास्थळी येऊन अग्नीशमन दलाच्या मदतीने आग विझवण्यात यश मिळविले..याविषयी पोलीसांकडून समजलेली अधिक माहिती अशी, हैदराबाद येथून बेस्ट एक्सप्रेस नावाची प्रवाशी वाहतुक करणारी खाजगी लक्झरी बस (एन एल 01/ बी 1824 ) मुंबईकडे निघाली होती. बसमध्ये 15 प्रवाशी होते. सोलापूर- पुणे महामार्गावरील वेणेगाव नजीक आली असता बसच्या टायरने अचानक पेट घेतल्याचे चालकाच्या लक्षात आले.त्यामुळे चालकाने तातडीने बस महामार्गावरून बाजूला घेऊन आतील प्रवाशांना खाली उतरविले. नंतर काही क्षणातच बसने पेट घेतला..या घटनेची माहिती समजताच टेंभुर्णीचे वरिष्ठ पोलीस निरीक्षक नारायण पवार, सहाय्यक पोलीस निरीक्षक गिरीश जोग, पोलीस हवालदार विशाल शिंदे तसेच वरवडे टोलनाका येथील गस्तीपथक व वैद्यकीय पथकातील डॉ. प्रशांत कारंजकर डॉ. गोरखनाथ लोंढे रुग्णवाहिका चालक मगंध भोसले, सागर फाटे, पेट्रोलिंग अधिकारी अमर पाटील, विजय साळुंखे, नागनाथ भालेराव, अरुण पाटील,स्वप्निल शिंदे बंडू गायकवाड, विनोद भोसले व महामार्ग मदत केंद्रातील पोलिस उपनिरीक्षक बालाजी साळुंखे सहकार्यांसह घटनास्थळी दाखल झाले..बसमधील 15 प्रवाशांना सुखरूपपणे सुरक्षितस्थळी नेले. पोलीसांनी आग विझवण्यासाठी कुर्डूवाडी नगरपालिकेच्या अग्नीशमन दलास बोलविले. दरम्यान आगीने रौद्र रूप धारण केल्याने महामार्गावरील वाहतूक काही काळ बाजूने वळविण्यात आली. अग्नीशमन दलास आग विझविण्यात यश आले परंतू बस पूर्णपणे जळून खाक झाली..यामध्ये प्रवाशांचे बसच्या डिकीमधील सामान आगीत जळून भस्मसात झाले. बसचालक अब्दुल इम्तियाज (रा. मध्यपूर हैदराबाद) याने टेंभुर्णी पोलीस ठाण्यात खबर दिली असून पुढील तपास सहाय्यक पोलीस फौजदार बिरूदेव हजारे हे करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
