Eight Great Indian Bustards are set to re-enter Nannaj Grassland after three years, with 40 birds born through artificial breeding in Rajasthan, showcasing a successful conservation effort.Sakal
सोलापूर
Maldok : तीन वर्षांनी नान्नज माळरानावर बागडतील ८ माळढोक; राजस्थानातील अधिवासात कृत्रिम प्रजननातून ४० पक्ष्यांचा जन्म
Solapur News : महाराष्ट्रात एक ते दोन, गुजरातमध्ये तीन तर राजस्थानमध्ये ५० पक्षी आहेत. या अत्यंत देखण्या व रुबाबदार पक्ष्याला नामशेष होण्यापासून वाचविण्यासाठी माळढोकाचे कृत्रिम प्रजनन करण्याचा निर्णय घेण्यात आलेला आहे.
सोलापूर : कृत्रिम प्रजनन प्रक्रियेतून राजस्थानात ४० माळढोक पक्षी जन्मले आहेत. यातील दुसऱ्या पिढीतील ८ माळढोक पक्षी तीन वर्षांनी सोलापूरच्या नान्नज अभयारण्यात आणण्यात येणार आहे. याची तयारी आतापासूनच सुरू करण्यात आली अाहे. यासाठी अभयारण्याची क्षेत्र मर्यादा वाढणार नाही आणि कोणतेही नवीन निर्बंध येणार नाहीत. वन्यजीव विभागाचे उपवनसंरक्षक तुषार चव्हाण यांनी ‘सकाळ’ला ही माहिती दिली.