National Kurash Championship Sanskriti Tonpe
esakal
कुर्डुवाडी : माढा तालुक्यातील शिराळ (मा.) या गावाने पुन्हा एकदा कुस्तीच्या आखाड्यात आपले नाव सुवर्णाक्षरांनी कोरले आहे. शिराळ येथील संस्कृती सदाशिव टोणपे या उदयोन्मुख पैलवान कन्येने पंजाबमधील लुधियाना येथे पार पडलेल्या राष्ट्रीय पातळीवरील सब ज्युनियर नॅशनल कुराश स्पर्धेत देशात तिसरा क्रमांक मिळवून नेत्रदीपक कामगिरी केली आहे. विशेष बाब म्हणजे, संस्कृतीचे स्वतःचे वजन अवघे २४ किलो असतानाही तिने थेट २८ किलो वजन गटात खेळून ही विशेष कामगिरी करून दाखवली.
