मोहोळ - तुला नीट वाचायला येताय का? तू काय करतो? नीट वाग असे म्हणत मोहोळ नगरपरिषदेच्या मुख्याधिकाऱ्याच्या अंगावर धावून गेल्याप्रकरणी एक जणावर मोहोळ पोलीसात गुन्हा दाखल झाला आहे. सुदर्शन कळसे रा मोहोळ असे गुन्हा दाखल झालेल्याचे नाव आहे..या संदर्भात मोहोळ पोलीसाकडुन मिळालेल्या माहीती नुसार, मोहोळ नगरपरिषदेचे मुख्याधिकारी डॉ योगेश अशोक डोके वय 38 हे नेहमी प्रमाणे आपल्या दालनात कामकाज करीत बसले होते.त्यावेळी त्यांच्या समोर माहिती अधिकार अर्जावरील अपील सुनावणीचे कामकाज सुरू होते..त्यावेळी अचानक पणे मोहोळच्या कळसे नगर येथे राहणारे सुदर्शन दत्तात्रय कळसे हे तिथे आले व अचानकपणे मुख्याधिकारी डोके यांच्या अंगावर धाऊन गेले व तू काय काम करतोस? तुला वाचायला येतंय का ? नीट वाग असे मोठ मोठ्याने म्हणत शिवीगाळ केली..शेवटी कळसे याने मारण्याच्या इराद्याने मुख्याधिकारी डोके यांच्या अंगावर हात उगारला व दमदाटी करू लागला. त्यावेळी नगरपरिषद कार्यालयात उपस्थित असलेले रणजीत कांबळे, योगेश सूर्यकांत डोके, दिनेश गायकवाड, किशोर स्वामी, दिलीप जाधव, कुणाल मोरे, अजित दानोळे, रोहित कांबळे, शिवरत्न आतकरे आदी कर्मचारी उपस्थीत होते..त्यावेळी सुदर्शन कळसे याने किशोर स्वामी व दिनेश गायकवाड यांना माझा अर्ज कुठे आहे? माझी फाईल कुठे आहे? अशी जोरजोराने ओरडत विचारणा केली व शिवीगाळ करून मारहाण करण्याची धमकी दिली. त्यानंतर कळसे तिथून निघून गेला. शासकीय कामात अडथळा केला व अंगावर मारहाण करण्याच्या उद्देशाने आला म्हणून सुदर्शन कळसे यांच्या विरुद्ध मोहोळ पोलीसात मुख्याधिकारी डॉ. डोके यांनी फिर्याद दाखल केली आहे. मोहोळ पोलीस तपास करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
