सोलापूर जिल्ह्यात आढळले आठ नवे रुग्ण

अक्‍कलकोट, दक्षिण सोलापूर कोरोनामुक्‍त; ९७ रुग्ण घेताहेत उपचार
Solapur district Found eight new corona patients
Solapur district Found eight new corona patientssakal

सोलापूर : जिल्ह्यातील कोरोनाची दुसरी लाट ओसरली असून अजूनपर्यंत ओमीक्रॉनचा संशयित जिल्ह्यात आढळलेला नाही. शहरातील सहा तर ग्रामीणमधील ९१ कोरोना बाधित रुग्णांवर उपचार सुरु आहेत. दिलासादायक बाब म्हणजे अक्‍कलकोट व दक्षिण सोलापूर हे दोन्ही तालुके कोरोनामुक्‍त झाले आहेत.

Solapur district Found eight new corona patients
चीनचे पाऊल इलेक्ट्रॉनिक युद्धतंत्राच्या दिशेने

कोरोनाच्या दोन्ही लाटेत आतापर्यंत जिल्ह्यातील दोन लाख चार हजारांहून अधिक व्यक्‍तींना कोरोनाची बाधा झाली. त्यातील दोन लाखांपर्यंत रुग्णांनी कोरोनावर विजय मिळविला. शहरातील प्रादुर्भाव पूर्णपणे कमी झाल्याची स्थिती असून ग्रामीणमधील मृत्यूदेखील कमी झाले आहेत. आता बार्शीतील सात, करमाळ्यातील १२, माढ्यातील १५, माळशिरस तालुक्‍यातील नऊ, मंगळवेढ्यातील दोन, मोहोळ तालुक्‍यातील सहा, उत्तर सोलापूर तालुक्‍यातील तीन, पंढरपूर तालुक्‍यातील १८ तर सांगोल्यातील नऊ रुग्ण उपचार घेत आहेत. म्युकरमायकोसिस झालेल्या तीन रुग्णांवर उपचार सुरु आहेत. सध्या कोरोना बाधित जिल्ह्यातील २३ महिला आणि ७४ पुरुषांवर उपचार सुरु आहेत. डिसेंबर महिन्यात शहर-ग्रामीणमधील कोरोनाचा प्रादुर्भाव कमी झाला आहे. परंतु, कोरोना कमी झाला म्हणून नियम पायदळी तुडवून बिनधास्तपणे वावरु नका, अशा सूचना जिल्हा प्रशासनाने नागरिकांना केल्या आहेत.

Solapur district Found eight new corona patients
नागपूर : अकरावी प्रवेशासाठी अखेरची फेरी मंगळवारपासून

‘ओमीक्रॉन’बाबत आरोग्य विभागाचे आवाहन...

  • कोरोनावरील प्रतिबंधित लसीचे दोन्ही डोस टोचून घ्या

  • गर्दीत विनाकारण जाऊ नका; चेहऱ्यावरील मास्क काढू नका

  • ओमीक्रॉन हा हवेतून पसरत असल्याने सोशल डिस्टन्सिंग पाळावेच लागेल

  • सॅनिटायझरचा वापर करा, हात स्वच्छ धुवावेत आणि घरी गेल्यावर कपडे बदला

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com