Solapur : ऊसापासुन इथेनॉल निर्मिती करणार ; हंगामात साडे सहा लाख मेट्रीक टन गाळपाचे उद्दीष्ट - विश्वराज महाडिक

टाकळी सिकंदर ता मोहोळ येथील भीमा सहकारी साखर कारखान्याची 48 वी सर्वसाधारण सभा शनिवार ता 30 रोजी संपन्न झाली, त्यावेळी ते बोलत होते.
solapur
solapur sakal

मोहोळ - संस्था जिवंत ठेवण्यासाठी काही कठोर निर्णय घ्यावे लागणार आहेत, येत्या काळात असावनी प्रकल्पाची जबाबदारी कारखान्याचे मार्गदर्शक संचालक तथा राज्यसभा खा धनंजय महाडिक यांनी माझ्यावर सोपविली आहे. प्रतिदिन दोन लाख लिटर उत्पादन क्षमता असलेल्या या प्रकल्पाची कायदेशीर प्रक्रिया पूर्ण झाली असून, तो लवकरच कार्यान्वित करण्यासाठी माझा प्रयत्न आहे. चालू गळीत हंगामात कारखान्याने साडेसहा लाख मेट्रीक टन गाळपाचे उद्दिष्ट ठेवल्याचे प्रतिपादन भीमा चे अध्यक्ष विश्वराज महाडिक यांनी केले.

टाकळी सिकंदर ता मोहोळ येथील भीमा सहकारी साखर कारखान्याची 48 वी सर्वसाधारण सभा शनिवार ता 30 रोजी संपन्न झाली, त्यावेळी ते बोलत होते. गेल्या हंगामातील ऊस बिल देण्यासाठी थोडी अडचण झाली मात्र यावेळी तसे होणार नाही.

गाळप हंगाम यशस्वी करण्यासाठी कारखाना सज्ज झाल्याचे अध्यक्ष महाडिक यांनी सांगितले. नैसर्गिक अडचणी पेक्षा मानव निर्मित अडचणी मोठ्या प्रमाणात आल्या परंतु सभासद व कामगार यांच्या सहकार्याने त्यावर मात करता आली. भविष्यात उसाच्या रसापासून थेट इथेनॉल उत्पादित करण्याचा प्रकल्प भीमा सुरू करणार आहे.

solapur
Solapur News : अखेर मोहोळ येथे उपजिल्हा रुग्णालय मंजूर, गेल्या अनेक वर्षाची नागरिकांची मागणी पूर्ण

यावेळी खा धनंजय महाडिक म्हणाले, केंद्रीय सहकार मंत्री अमित शहा यांनी सहकारात अमुलाग्र बदल करण्याचे निर्णय घेतले आहेत. सहकाराचा अभ्यास असल्याने त्यांनी माझी सहा समितीवर निवड केली आहे. लहाना पासून मोठ्या सहकारी संस्था तयार करण्याचे निर्णय त्यांनी घेतले आहेत या संस्थांना 27 प्रकारचे प्रकल्प राबविण्याची ताकद दिली जाणार आहे.

मोहोळ तालुक्यात द्राक्ष, डाळिंब, पेरू, सीताफळ, चिकू, सफरचंद, ही फळे उत्पादित होतात, त्यासाठी प्रोसेसिंग युनिट व कोल्ड स्टोरेज अत्यंत गरजेचे आहे. त्यासाठी कुणी प्रयत्न करणार असेल तर त्याला आमचे सहकार्य राहील अशी ग्वाही खा महाडिक यांनी दिली. भविष्यात भीमा "ग्रीन हायड्रोजन प्रकल्प"ही सुरू करण्याच्या प्रयत्नात असल्याचेही खासदार महाडिक यांनी सांगितले.

solapur
Solapur News : बोगस डॉक्टरांचा गावागावांमध्ये सुळसुळाट;आरोग्यमंत्र्यांच्या जिल्ह्यात रुग्णांच्या जिवाशी खेळ

भविष्यात फक्त ऊस गाळून साखर उत्पादित करून चालणार नाही, सभासदाला दर देण्यासाठी वेगवेगळे उपपदार्थ निर्मिती करणे गरजेचे आहे व तसा प्रयत्न भीमा करीत असल्याचे त्यांनी सांगितले. यावेळी कारखान्याचे उपाध्यक्ष सतीश जगताप, कार्यकारी संचालक सूर्यकांत शिंदे, शेती अधिकारी शिवरकर, धनंजय देशमुख, शिवाजी शेंडगे, संतोष चव्हाण, पांडुरंग ताटे, भारत पाटील, झाकीर मुलाणी, माणिक बाबर, शिवाजी गुंड, राजू बाबर, महादेव देठे, छगन पवार, लिंगराज शेंडगे, बंडू शेख, सुनील चव्हाण, आदीसह सर्व संचालक, खाते प्रमुख, त्यांचे सर्व सहकारी उपस्थित होते. सूत्रसंचालन पांडुरंग ताटे यांनी केले.आभार तात्यासाहेब नागटिळक यांनी मानले.

solapur
Chh. Sambhaji Nagar : ‘ती’ चिमुकली गेली होती विसरलेला डबा घेण्यासाठी

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com