सोलापुर : "मोहोळ तालुक्यात ड्रोन यंत्राव्दारे गावठाण मोजणीस प्रारंभ" | Sakal
sakal

बोलून बातमी शोधा

Land survey by drone

सोलापुर : "मोहोळ तालुक्यात ड्रोन यंत्राव्दारे गावठाण मोजणीस प्रारंभ"

मोहोळ : मोहोळ तालुक्यात ड्रोन यंत्राद्वारे गावठाण मोजणीचा आरंभ शुक्रवार ता एक जुलै रोजी कृषी दिनाचे औचित्य साधून, कुरणवाडी (आष्टी) ता मोहोळ येथून तहसीलदार प्रशांत बेडसे यांच्या हस्ते करण्यात आला. एकूण 73 गावच्या गावठाणाची मोजणी होणार असल्याची माहिती मोहोळ येथील भूमी अभिलेख विभागाच्या उपअधीक्षक सुनिता माळी यांनी दिली.

या संदर्भात अधिक माहिती देताना माळी म्हणाल्या, ग्रामविकास विभाग, जमाबंदी आयुक्त विभाग व भारतीय सर्वेक्षण विभाग डेहराडून यांच्या संयुक्त विद्यमाने ही मोजणी करण्यात येत आहे. यापूर्वी तालुक्यातील 26 गावांची ड्रोन यंत्राद्वारे मोजणी झाली आहे. तालुक्यातील 73 गावांच्या गावठाण मोजणी साठी सुमारे पंधरा दिवस लागणार आहेत. मोहोळ येथील भूमी अभिलेख कार्यालयातील सात कर्मचारी यासाठी नियुक्त केले असून, त्यांना गावनिहाय जबाबदारी दिली आहे, तसेच मोजणी संदर्भात त्यांना प्रशिक्षणही देण्यात आले आहे.

यावेळी तहसीलदार बेडसे म्हणाले, या मोजणीमुळे गावठाणातील प्रत्येक मिळकतीचा नकाशा व सनद तयार होणार असून मिळकत पत्रिका तयार होणार आहे. घराच्या बांधकामा साठी नकाशा उपलब्ध होणार आहे, बँकांकडून कर्ज मिळविण्याची प्रक्रिया ही सोपी होणार असून, सर्वात महत्त्वाचे म्हणजे खरेदी विक्री व्यवहार सुलभ होऊन फसवणूक टळणार आहे. मालकी हक्काचा पुरावा मिळाल्याने आपसातील वाद, तंटा मिटुन गोडी कायम राहणार आहे. गावातील मिळकतींचे क्षेत्र निश्चित झाल्यामुळे ग्रामपंचायतीच्या करातही वाढ होणार आहे.

यावेळी कृषी उत्पन्न बाजार समितीचे उपसभापती दत्ता पवार, सरपंच अमोल जगताप, गटविकास अधिकारी आनंद मिरगणे, बळीराम मोरे, ग्रामसेवक अनिता वाघमारे, ज्योतिराम कदम, दत्तात्रय तनमोर, दिनकर बावणे, दीपक तांबिले सिद्धेश्वर गिड्डे, मोहोन कोकाटे व भूमी अभिलेख विभागाचे कर्मचारी उपस्थित होते.

Web Title: Solapur Mohol 73 Village Area Land Calculation By Drone Machine

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..