Solapur : मणिपूर घटनेतील दोषीवर कारवाई करा मोहोळ 'अंनिस'ची मागणी

मोहोळ - मणिपूर घटनेतील दोषीवर कायदेशीर कारवाई करण्याची मागणी अंधश्रद्धा निर्मूलन समिती मोहोळ शाखेच्या वतीने करण्यात आली.

अडीच महिन्या पेक्षा अधिक कालावधी पासून मणिपूर राज्यात जातीय व धार्मिक जाळपोळ, हिंसाचार महिलांची नग्न धिंड काढणे असे प्रकार सुरु आहेत .

आशातच इंफाळ पासून पस्तीस किलोमीटर अंतरावरील कंगपोकपी जिल्ह्यात एका जातीय समुदायाने तेथील अदिवासी समुदायाच्या दोन महिलांची नग्न धिंड व त्यावेळी अनेकांनी त्यांच्याशी केलेले घृणास्पद कृत्य , महिलांचा भाऊ आणि वडिलांची ही हत्या आणि बलात्कार हे मानव जातीला न शोभणारे कृत्य त्या समुदायानी केले.

त्या घटनेचा महाराष्ट्र अंधश्रद्धा निर्मूलन समिती तीव्र निषेध नोंदवत आहे व त्या दोषींवर कठोर कारवाई करण्यात यावी अशी विनंती महाराष्ट्र अंधश्रद्धा निर्मूलन समितीने केली आहे.

हे निवेदन मोहोळचे तहसीलदार भालचंद्र यादव यांच्या मार्फत राष्ट्रपतींना देण्यात आले. यावेळी मोहोळ शाखेचे अध्यक्ष प्रा . श्रीधर उन्हाळे, कार्याध्यक्ष मोहन व्यवहारे ,प्रधान सचिव संजय भोसले ,राज्य सरचिटणीस सुधाकर काशीद ,जिल्हा कार्याध्यक्ष धर्मराज चवरे ,अॅड विनोद कांबळे , गणेश सिरसट ,मोहन कादे ,बिरमल खांडेकर ,संदिप साळवे मानाजी थोरात ,राजेंद्र माटे , रमेश आदलिंगे आदि उपस्थित होते.