Solapur News : पाण्याअभावी लिंबांची बाग उपटली

पांडे - पाऊस पडत नसल्याने खरीप हंगाम वाया गेला, आता रब्बी हंगाम आला तरी पाऊस पडण्याचे नाव घेईना पाऊस लांबल्याने विहीर, बोअरचे पाणी कमी झाल्याने फळबागा बागा जळू लागल्याने नाना काळे या शेतकरीने लिंबांची बागेतली झाडे उपटून काढली आहेत.

पांडे येथील नाना काळे या शेतकऱ्याने सीताफळ व लिंबोणीची बागेतील झाडे उपटून काढली आहेत. लांबलेला पाऊस आणि कमी झालेले पाणी पातळी यामुळे लिंबू बाग सांभाळणे कठीण झाले आहे.

काळे यांच्याकडे एक एकर सीताफळ व दोन एकर लिंबोणीची बाग होती. त्यांच्याकडे तीन बोअर व एक विहिरी आहे. पाणी कमी झाल्याने ठिबक सिंचन केले. बाग पाण्याअभावी जळू लागल्याने फळाला लागताच पाणी कमी पडले.

त्यामुळे त्यांनी झाडे काढून टाकली आहेत. त्यांना या आधी कर्जबाजारी होऊन टॅंकरने पाणी घातले होते.