सोलापूरात चिमुकल्यांचा आठवडे बाजार; तब्बल २५ हजारांची उलाढाल | Childrens Market | Sakal
sakal

बोलून बातमी शोधा

Children Market

सोलापूरात चिमुकल्यांचा आठवडे बाजार; तब्बल २५ हजारांची उलाढाल

कुर्डू : विठ्ठलरावजी शिंदे प्रशाला व यशवंत प्रायमरी स्कूल अंबाड येथे आनंद नगरी उपक्रमांतर्गत भरवलेल्या बाजारात इयत्ता पहिली ते आठवी पर्यंतच्या विद्यार्थ्यांना व्यवहारीक ज्ञान आत्मसात व्हावे यासाठी शाळेच्या आवारात बाजार भरवण्यात आला होता. यामध्ये 25 हजार रुपयांच्या मालाची विक्रीची उलाढाल झाली.

या बाजारात वेगवेगळ्या प्रकारच्या फळभाज्या,पालेभाज्या, उसाचा रस, चहा, समोसे, खमंग ढोकळा,मक्याची कणसे, चिंचा, केळी,बोरे, सफरचंद, संत्री, अशाप्रकारे विविध फळे,भाजीपाला व खाद्यपदार्थाची रेलचेल बाजारात होती.

या विद्यार्थ्यांच्या आठवडी बाजाराचे उद्घाटन दूध संस्थेचे चेअरमन व पालक श्री. पितांबर गाडे यांच्या करण्यात आले यावेळी प्रशालेचे प्राचार्य श्री.जवानसिंग रजपूत , यशवंत प्रायमरी स्कूल चे प्राचार्य श्री.होनमोटे,उच्च माध्यमिक विभागाचे प्रमुख प्राध्यापक विष्णू घाडगे हे उपस्थित होते.

विद्यार्थ्यांनी आणलेल्या विविध वस्तूची खरेदी करण्यासाठी गावातून व आसपासच्या भागातून विविध पालक व नागरिक आलेले होते . तसेच विठ्ठलराव शिंदे उच्च माध्यमिक विद्यालयाचे सर्व शिक्षक व विद्यार्थ्यांनीही खरेदी करण्यासाठी सहभाग घेतला.

हेही वाचा: विद्यापीठ कायद्यातील सुधारणा विधेयकाचा फेरविचार करण्याची मागणी

या उपक्रमातून विद्यार्थ्यांना सामाजिक व व्यावहारिक ज्ञानाबरोबरच ग्राहकाशी सुसंवाद कसा साधावा याचाही प्रत्यक्ष अनुभव आला. यासाठी कला शिक्षिका सौ टोणपे यांनी नियोजन केले होते .त्यांना सर्व शिक्षक व शिक्षकेतर कर्मचाऱ्यांनी सहकार्य केले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Solapurschool
loading image
go to top