Solapur News
esakal
सोलापूर: शहरातील मुख्य आणि गजबजलेल्या सोलापूर मध्यवर्ती बस स्थानकाच्या आवारात खासगी वाहनांसह रिक्षांची घुसखोरी आहे. यामुळे बस स्थानक रिक्षा आणि दुचाकीच्या विळख्यात सापडले आहे. बसस्थानकात बिनदिक्कतपणे वावरणाऱ्या रिक्षा व दुचाकीला नियंत्रकासह वाहतूक पोलिसांकडून अभय दिले जाते. दुचाकी व रिक्षांमुळे एसटी चालकांना गाड्या फलाटावर लावताना तसेच आत-बाहेर करताना मोठ्या अडचणींचा सामना करावा लागत आहे.