सोलापूर : साखरेचे दर वाढले तरी कारखाने मूळ स्थितीत

माळी शुगरच्या ८९ व्या गाळप हंगामाचा शुभारंभ
माळी शुगरच्या ८९ व्या गाळप हंगामाचा शुभारंभ
माळी शुगरच्या ८९ व्या गाळप हंगामाचा शुभारंभsakal

माळीनगर : एकीकडे साखरेच्या दरात २०० ते २५० रुपयांची वाढ झाली आहे. हे खरे असले तरी साखरेची विक्री होत नाही. साखरेच्या वाढीव दरावर बॅंका कर्ज देत नाहीत. दुसरीकडे उसाची एफआरपी वाढली आहे. कामगारांचे पगार १२ टक्‍क्‍यांनी वाढले आहेत. अशातच ऊस तोडणी वाहतुकीचे दर वाढण्यासाठी वाहतूकदार आग्रही आहेत. त्यामुळे साखरेचे दर वाढूनही कारखाने मूळ आर्थिक स्थितीतच राहणार आहेत, असे मत दि सासवड माळी शुगर फॅक्‍टरीचे व्यवस्थापकीय संचालक राजेंद्र गिरमे यांनी व्यक्त केले.

माळीनगर साखर कारखान्याच्या ८९ व्या गाळप हंगामाचा प्रारंभ ऊसमोळी गव्हाणीत टाकून आज झाला. तत्पूर्वी ऊस उत्पादक शेतकरी संजय तरडे (माळशिरस) यांच्या हस्ते गव्हाणीचे विधीवत पूजन झाले. यावेळी २१ सेवानिवृत्त कामगारांचा भेटवस्तू देऊन सत्कार करण्यात आला. याप्रसंगी कारखान्याचे अध्यक्ष नंदकुमार गिरमे, उपाध्यक्ष परेश राऊत, पूर्णवेळ संचालक सतीश गिरमे, संचालक मोहन लांडे, राहुल गिरमे, अशोक गिरमे, निळकंठ भोंगळे, विशाल जाधव, निखिल कुदळे, सतेज पैठणकर, माजी व्यवस्थापकीय संचालक अरविंद जाधव, दि सासवड माळी एज्युकेशन सोसायटीचे माजी सचिव अनिल रासकर आदी उपस्थित होते.

माळी शुगरच्या ८९ व्या गाळप हंगामाचा शुभारंभ
महापालिकेच्या 'बॉईस'ने वाचविले कोरोनात 1034 रुग्णांचे जीव!

यंदा कारखाना सहा लाख टन उसाचे गाळप करणार असल्याचा उल्लेख करून राजेंद्र गिरमे म्हणाले, सध्या जिल्ह्यातील सर्वच कारखान्यांपुढे तोडणी वाहतुकीचा प्रश्न उभा राहिला आहे. ऊस वाहतूकदार ट्रॅक्‍टरमालक यांचा यामध्ये कोणताही अट्टाहास नाही. काही पुढाऱ्यांमुळे सर्व कारखान्यांची वाहने अडकली आहेत. हे अत्यंत चुकीचे आहे. यामध्ये कारखाने, शेतकरी, ऊस तोडणी कामगार व वाहतूकदार यांचे मोठे नुकसान आहे. याकडे सरकारने अगोदरच लक्ष द्यायला हवे होते. मात्र, याची कोणीही दखल घ्यायला तयार नाही. पाऊस, तोडणी वाहतुकदारांचा संप यामुळे हंगामास विलंब होत आहे. दिवाळीसाठी कामगारांना १५ टक्के बोनस देणार असल्याची घोषणा श्री. गिरमे यांनी यावेळी केली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com