सोलापूर : पोस्टाच्या गुंतवणुकीत सुकन्या योजना अग्रस्थानी

सोलापूर : संपत्या वर्षात पोस्ट खाते व पोस्ट पेमेंट बॅंकेने जोरदार कामगिरी करत गुंतवणुकीचा आकडा वाढवला आहे. ग्रामीण भागासह शहरी भागातदेखील पोस्ट गुंतवणुकीचा टक्का वाढत चालला आहे. सुकन्या योजना व विमा योजनात सर्वाधिक गुंतवणूक झाली आहे. ग्राहकांना गुंतवणुकीच्या इतर पर्यायाच्या तुलनेत उत्कृष्ट परतावे व व्याजदर देण्याचा प्रयत्न या योजनातून केला जातो. सरत्या वर्षात पोस्टाच्या अनेक योजनांना चांगला प्रतिसाद मिळाला आहे. पंतप्रधान सुकन्या योजनेत मुलींच्या नावाने गुंतवणूक मोठ्या प्रमाणात केली जात आहे. आतापर्यंत सात हजार मुलींसाठी त्यांच्या पालकांनी या योजनेत गुंतवणूक केली आहे.

पोस्ट पेमेंटस बॅंकेच्या वतीने म्युचुअल फंड योजनेत पेन्शन प्लॉनची गुंतवणूक चांगल्या पध्दतीने केली जात आहे. या योजनांमध्ये चांगला परतावा मिळतो आहे. कोरोना काळात ‘पीएलआय’सारख्या विमा योजनांनी ग्रामीण भागात खूप अधिक चांगली कामगिरी केली आहे. या योजनेत कोणताही एजंट नसल्याने मध्यस्थाचे लाभ थेट ग्राहकांना मिळतात. पोस्टाने दोन विमा योजनांमध्ये चांगली गुंतवणूक करुन घेतली आहे. कोरोना काळात मयत झालेल्या व्यक्तीच्या वारसाला त्याचा लाभ देण्यात आला आहे. ‘एलआयसी’सारख्या विमा कंपनीसोबत पोस्टाच्या या योजना जोरदार स्पर्धा करत आहेत. नव्या वर्षात पोस्टाची गुंतवणूक निश्‍चितपणे आणखी वाढणार आहे.

ग्रामीण पोस्टल विमा योजना (महिनानिहाय संरक्षित विमा रक्कम)

1. एप्रिल - ५० लाख ७० हजार रुपये.

2. मे - ५१ लाख रुपये

3. जून - ६० लाख २५ हजार रुपये

4. जुलै - १ कोटी २५ लाख ४० हजार रुपये

5. ऑगस्ट - ५ कोटी ३ लाख ९० हजार रुपये

6. सप्टेंबर -५ कोटी ६३ लाख ४० हजार रुपये

7. ऑक्‍टोबर - १० कोटी ८५ लाख ५० हजार रुपये

8. नोव्हेंबर -३ कोटी ४६ लाख १५ हजार रुपये

पीएलआय योजना एप्रिल :

1. मे - ३ कोटी ३० लाख रुपये

2. जून - ३ कोटी ११लाख रुपये

3. जुलै - ३ कोटी ७६ लाख ५०हजार रुपये

4. ऑगस्ट - ७ कोटी पाच लाख ७० हजार रुपये

5. सप्टेंबर - ८ कोटी ६६ लाख ७०हजार रुपये.

6. ऑक्‍टोबर - १० कोटी ८२ लाख ९० हजार रुपये

7. नोव्हेंबर - ६ कोटी १६ लाख ९० हजार रुपये