मोहोळमध्ये मोटारसायकल चोर जेरबंद ! चोरीचे अनेक गुन्हे उघडकीस येण्याची शक्‍यता

मोहोळ (सोलापूर) : शहरासह आसपासच्या परिसरातून चोरीस गेलेल्या मोटारसायकल सह संशयित चोरास गुुन्हा अन्वेषण पथकाने ताब्यात घेतल्याने चोरीचे अनेक गुुन्हे उघड होण्याची शक्‍यता निर्माण झाली आहे. 

ताज्या बातम्या वाचण्यासाठी डाऊनलोड करा ई-सकाळचे ऍप

याबाबत पोलिसांनी दिलेल्या माहितीनुसार, शहर पोलिस ठाणे हद्दीमध्ये पेट्रोलिंग करीत असताना खबऱ्यामार्फत बातमी मिळाली की, कुरूल रोडवरील बंद टोलनाका येथे एक इसम चोरीची गाडी घेऊन थांबला आहे. तत्काळ सदर ठिकाणी पोलिस पथक गेल्यानंतर मिळालेल्या बातमीनुसार संशयित इसम थांबलेला दिसला. त्याच्याजवळील मोटारसायकलबाबत अधिक चौकशी केली असता त्याने ती चोरून आणल्याचे समजले. पोलिसी खाक्‍या दाखवत आगाऊ चौकशी केली असता त्याने कुरूल येथे लावलेल्या चोरीच्या इतर पाच मोटरसायकली दाखवल्या.

हे ही वाचा : माचणूर येथील पूल बनला धोकादायक ; पुलावरील खड्ड्यामुळे करावी लागते कसरत

सदर संशयितास मोटरसायकलसह पोलिस ठाण्यात घेऊन आल्यानंतर मोटारसायकल च्या चोरीचे गुन्हे तपासले असता मोटारसायकल चोरीस गेल्या प्रकरणी फिर्याद दाखल केलेले फिर्यादी अनुक्रमे संदीप प्रभाकर बचुटे (रा. वरकुटे) यांची (एम. एच. 13/ बी. ई. 1236), जकरिया मोहंमद जुबेर शेख (रा. विद्यानगर, कुरुल रोड, गाडी क्र. एम. एच. 13/ एक्‍यू. 3067) आदीसह इतर मिळून आलेल्या चार मोटारसायकली मिळाल्या. आरोपी दत्तात्रय शिवाजी देवकते (रा. बीबी दारफळ, ता. उत्तर सोलापूर) व गंगाधर विठ्ठल अर्जुन (रा. सुलेरजवळगे, ता. अक्कलकोट) यांना मोटारसायकलसह ताब्यात घेण्यात आले. 

हे ही वाचा : मित्रासोबत मटणाची पार्टी ठरली घाताची ! कासारी येथे ट्रॅक्‍टरचा नांगर अंगावर गेल्याने तरुणाचा मृत्यू 

उपविभागीय पोलिस अधिकारी प्रभाकर शिंदे, पोलिस निरीक्षक अशोक सायकर यांच्या आदेशान्वये गुन्हा अन्वेषण पथकातील सहाय्यक पोलिस फौजदार पितांबर शिंदे, पो. कॉ. प्रविण साठे, पो. कॉ. हरिदास थोरात, पो. कॉ. गणेश दळवी यांनी कामगिरी केली.