रविवारी (ता. 9) एक हजार 784 संशयितांमध्ये 117 जणांचे रिपोर्ट पॉझिटिव्ह आले असून ग्रामीणमधील दोघांचा मृत्यू झाला आहे.
सोलापूर : मुंबई (Mumbai), ठाणे (Thane), पुणे (Pune) यासह काही जिल्ह्यांमध्ये Covid-19 रुग्ण वाढू लागले आहेत. त्यातच आता सोलापूर (Solapur) शहर- ग्रामीणचीही भर पडली असून तीन-चार महिन्यांच्या तुलनेत मागील काही दिवसांतील रुग्णवाढ सर्वाधिक आहे. रविवारी (ता. 9) एक हजार 784 संशयितांमध्ये 117 जणांचे रिपोर्ट (Covid test Report) पॉझिटिव्ह आले असून ग्रामीणमधील दोघांचा मृत्यू झाला आहे. (The third wave of corona has started in the district and the number of patients is increasing-)
संशयितांच्या चाचण्या कमी होऊनही पॉझिटिव्ह येणाऱ्यांची संख्या वाढू लागली आहे. रविवारी ग्रामीणमधील 985 संशयितांची टेस्ट पार पडली, त्यात 62 जण पॉझिटिव्ह आढळले आहेत. चिंतेची बाब म्हणजे, तांदूळवाडी (ता. माळशिरस) (Malshiras) येथील 72 वर्षीय पुरुषाचा तर मोहोळमधील गायकवाड वस्तीवरील 57 वर्षीय पुरुषाचा कोरोनामुळे मृत्यू झाला आहे. तसेच शहरातील 799 संशयितांमध्ये 55 जण पॉझिटिव्ह आढळले आहेत. दिलासादायक बाब म्हणजे मोहोळ तालुक्‍यात रविवारी एकही नवीन रुग्ण आढळला नाही. तर बार्शीत सर्वाधिक 23, माढ्यात 11, माळशिरस तालुक्‍यात नऊ तर दक्षिण सोलापूर तालुक्‍यात सहा रुग्ण आढळले आहेत. उर्वरित तालुक्‍यांमध्ये पाचपेक्षा कमी नवीन रुग्ण आढळले आहेत. बार्शी, माढा, माळशिरस या तालुक्‍यांमध्येच रुग्ण वाढत असल्याची स्थिती आहे.
तर शहरातील प्रभाग क्रमांक सहा, नऊ, 14, 15, 23, 24, 25 आणि 26 मध्ये सर्वाधिक सक्रिय रुग्ण आहेत. रुग्ण वाढत असतानाही अनेकजण बेशिस्तपणे विनामास्क फिरत असल्याचे रस्त्यावरील चित्र आहे. तर बाजारपेठांमधील गर्दीही कमी झाली नसून त्या ठिकाणी सोशल डिस्टन्सिंगचे अजूनही तंतोतंत पालन होत नसल्याने धोका वाढण्याची भीती व्यक्‍त केली जात आहे. कोरोनाचे संकट वाढणार नाही, याची खबरदारी घेताना नागरिकांनी मास्क, सोशल डिस्टन्सिंग, प्रतिबंधित लसीचे दोन्ही डोस घ्यावेत, असे आवाहन आरोग्य विभागाने (Health Department) केले आहे.
जानेवारीतील स्थिती (1 ते 9 जानेवारी)
ग्रामीणमधील टेस्ट : 7,566
पॉझिटिव्ह रुग्ण : 252
शहरातील टेस्ट : 5,343
पॉझिटिव्ह रुग्ण : 188
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
